Պատրաստեք այս համեղ ուտեստը:
Բաղադրիչները
3 բաժնի համար
- 6 հատ հավի բուդ
- 530 գ դդում
- 55 գ չամիչ
- 1 գլուխ սոխ
- 50 գ տոմատի մածուկ
- կես թ. գդալ աղ
- կես թ. գդալ աղացած կարմիր պղպեղ
- կես թ. գդալ աղացած սև պղպեղ
- կես թ. գդալ աղացած դարչին
- կես թ. գդալ աղացած կոճապղպեղ
- 3 չորացրած մեխակի կոկոն
- 2 ճ.գ. բուսական յուղ
- 350 մլ ջուր
Պատրաստման եղանակը
- Հավի բդիկները լվացեք ու չորացրեք: Լվացեք նաև չամիչը:
- Դդումն ու սոխը մաքրեք: Դդումը միջին չափի կտորներով կտրատեք, իսկ սոխը՝ մանր խորանարդների ձևով:
- Բուսական յուղով թավան դրեք կրակին: Հավի բդիկները մի շերտով շարեք թավայի մեջ ու յուրաքանչյուր կողմից մոտ 4-5 րոպե տապակեք:
- Ավելացրեք սոխը, ժամանակ առ ժամանակ խառնելով՝ ևս 7 րոպե տապակեք:
- Ավելացրեք նաև դդումը, ևս 10 րոպե տապակեք:
- Այնուհետև ավելացրեք տոմատի մածուկը: Խառնեք ու ևս 2 րոպե տապակեք:
- Ավելացրեք չամիչը, մեխակը, աղացած կոճապղպեղը, դարչինն ու աղացած կարմիր պղպեղը:
- Եվս մեկ անգամ խառնեք, լցրեք ջուրն ու թավայի պարունակությունը եռացրեք: Ավելացրեք աղն ու աղացած սև պղպեղը:
- Կրակը թուլացրեք ու 30-35 րոպե շոգեխաշեք մինչև հավի պատրաստ լինելը:
- Մատուցեք տաք վիճակում՝ որպես առանձին ուտեստ կամ էլ այն լրացրեք խավարտով՝ ըստ ձեր ճաշակի: