Պատրաստեք այս համեղ ուտեստը:
Բաղադրիչները
4 բաժնի համար
Սոուսի համար
- 800 գ լոլիկ՝ սեփական հյութի մեջ
- 1 գլուխ սոխ
- 1 պճեղ սխտոր
- 2 ճ.գ. բուսական յուղ
- 1 ճյուղ ռեհան
- 1 հատ դափնու տերև
- աղ, աղացած սև պղպեղ՝ ըստ ճաշակի
- 80-100 մլ ջուր
Մսագնդիկների համար
- 1 հատ կիտրոն
- 2 հատ ձվի սպիտակուց
- 400-450 գ ձկան մսի խճողակ
- 4 ճ.գ. աղացած չորահաց
- 1/2 թ.գ. չորացրած ռեհան
- 1/2 թ.գ. չորացրած խնկածաղիկ
- աղ, աղացած սև պղպեղ՝ ըստ ճաշակի
- 3 ճ.գ. ցորենի ալյուր
- 3-4 ճ.գ. բուսական յուղ
Պատրաստման եղանակը
- Լոլիկի սերմերը հեռացրեք, պտղամիսը միջին չափի կտորներով կտրատեք:
- Սոխը մանր կտրատեք: Սխտորը դանակով ճզմեք:
- Թավայի մեջ, միջին ուժգնության կրակի վրա տաքացրեք բուսական յուղը: Սոխն ու սխտորը 4-5 րոպե տապակեք յուղի մեջ, հետո սխտորի ճզմած պճեղը հեռացրեք:
- Ավելացրեք կտրտած լոլիկը, մի ճյուղ ռեհանը, դափնու տերևը, աղն ու պղպեղը: Կրակը մի փոքր ուժեղացրեք և խառնելով՝ 5 րոպե տապակեք:
- Ավելացրեք լոլիկի հյութն ու տաք ջուրը: Կափարիչով ծածկեք ու կրակի վրա թողեք ևս 15 րոպե: Ժամանակ առ ժամանակ խառնեք:
- Քերիչի օգնությամբ կիտրոնի կեղևը հեռացրեք: Կիտրոնի պտղամսից 1-2 թ.գ. կիտրոնի հյութ քամեք:
- Սպիտակուցները պատառաքաղով մի փոքր հարեք:
- Ձկան մսի խճողակին ավելացրեք կիտրոնի հյութը, քերած կեղևը, սպիտակուցները, չորացրած ռեհանն ու խնկածաղիկը, 1/3 թ.գ. աղ ու աղացած սև պղպեղը: Խառնեք:
- Խճողակից փոքրիկ գնդիկներ պատրաստեք, գլորեք չորահացի մեջ:
- Թավայի մեջ տաքացրեք յուղը, մսագնդիկները մի փոքր կարմրեցրեք յուղի մեջ ու տեղավորեք տապակի մեջ:
- Մսագնդիկների վրա լցրեք սոուսը և տապակը 20-25 րոպեով տեղադրեք 180 աստիճան ցելսիուս ջերմության ջեռոցում: