Պատրաստեք եգիպտացորենով, հավի կրծքամսով, լոլիկով ու խոզապուխտով այս համեղ, շերտավոր աղցանը:
Բաղադրիչները
6 բաժնի համար
- 1 տուփ պահածոյացված եգիպտացորեն
- 1 հատ հավի եփած կրծքամիս
- 200 գ խոզապուխտ
- 6 հատ չերրի լոլիկ
- 3 հատ եփած ձու
- 1 հատ եփած գազար
- 1 բաժակ թեթև մայոնեզ
- 3 ճ.գ. մաղադանոսի կտրտած տերևներ
- 3 ճ.գ. ռեհանի կտրտած տերևներ
Պատրաստման եղանակը
- Պահածոյացված եգիպտացորենը քամեք:
- Լոլիկներն ու ձուն օղակաձև կտրատեք, իսկ հավի կրծքամիսն ու խոզապուխտը՝ բարակ տաշեղների ձևով:
- Լոլիկների մի մասը շարեք աղցանի ամանի մեջ, վրան մայոնեզ քսեք, մայոնեզի վրա լցրեք ռեհանի տերևները: Ապա լցրեք եգիպտացորենի մի մասը, վրան էլի մայոնեզ քսեք, մայոնեզի վրա լցրեք մաղադանոսի տերևների մի մասը: Ապա շերտ-շերտ տեղադրեք մնացած եգիպտացորենը, լոլիկները, ձուն՝ ամեն շերտին մայոնեզ քսելով ու վրան մաղադանոսի տերևներ լցնելով: Վերևի շերտին տեղադրեք հավի կրծքամիսը, վրան մայոնեզ քսեք, մայոնեզի վրա լցրեք մանր քերիչով քերած գազարը:
- Աղցանը զարդարեք ռեհանի տերևներով: