Պատրաստեք այս համեղ աղցանը:
Բաղադրիչները
- 1 ճ.գ. բուսական յուղ
- 1 թ.գ. աղացած պապրիկա
- 1/2 թ.գ. աղացած գինձ (кориандр)
- աղ, աղացած սև պղպեղ՝ ըստ ճաշակի
- 250 գ հավի փափկամիս
- 100 գ կաղամբ
- 1 հատ գազար
- 1 հատ բուլղարական պղպեղ
Համեմելու համար
- 40 մլ բուսական յուղ
- 20 մլ սոյայի սոուս
- 5 մլ կիտրոնի հյութ
- 1 թ.գ. շաքարավազ
- աղ, աղացած սև պղպեղ՝ ըստ ճաշակի
Պատրաստման եղանակը
- Խառնեք բուսական յուղը, պապրիկան, գինձը, աղն ու աղացած սև պղպեղը: Հավի մսի վրա քսեք ստացված խառնուրդն ու դրեք փայլաթիթեղով պատված տապակի մեջ: 30 րոպեով տեղադրեք 200 աստիճան ցելսիուս տաքության ջեռոցում:
- Կաղամբը շատ բարակ շերտերով կտրատեք: Գազարը քերեք կորեական գազարի համար նախատեսված քերիչով: Բուլղարական պղպեղն ու տապակած հավի միսը բարակ շերտերով կտրատեք:
- Խառնեք համեմելու համար նախատեսված բոլոր բաղադրիչները: Ստացված համեմունքը լցրեք աղցանի կտրտած բաղադրիչների խառնուրդի վրա, խառնեք: Աղցանը 1-2 ժամով տեղադրեք սառնարանում: Հանեք սառնարանից, լցրեք աղցանամանն ու մատուցեք: