Պատրաստեք հավի մսով ու պարմեզան պանրով այս համեղ ուտեստը:
Բաղադրիչները
6 բաժնի համար
- 6 հատ հավի կրծքամիս
- 4 ճ.գ. կարագ
Սոուսի համար
- 200 գ քերած պարմեզան պանիր
- 1 բաժակ թանձր սերուցք
- 1/2 բաժակ հավի արգանակ
- 2 ճ.գ. մարտինի
- 2 ճ.գ. կիտրոնի քերած կեղև
- 1 ճ.գ. կիտրոնի հյութ
- աղացած սպիտակ պղպեղ
- աղ
Պատրաստման եղանակը
- Հավի կրծքամիսը ծեծեք, աղ ու պղպեղ արեք և կարագի մեջ տապակեք մինչև պատրաստ լինելը: Տապակելու ընթացքում առաջացած հեղուկը լցրեք պնակի մեջ, հովացրեք:
- Սոուսի համար մարտինին խառնեք կիտրոնի կեղևի ու հյութի հետ, 5 րոպե տաքացրեք:
- Ավելացրեք սերուցքը, արգանակը, կրծքամսի տապակելուց հետո մնացած հեղուկը, քերած պանրի կեսը, աղ ու պղպեղ արեք, էլի տաքացրեք:
- Մատուցելիս հավի կրծքամիսը տեղադրեք ափսեի մեջ, վրան լցրեք սոուսն ու քերած պանիրը:
- Մատուցեք տապակած լոլիկի ու սպագետտիի հետ մեկտեղ: