Պատրաստեք այս համեղ աղցանը:
Բաղադրիչները
5 բաժնի համար
- 1 հատ հավի կրծքամիս
- 1 բաժակ առանց կորիզ խաղող
- 1 ցողուն նեխուր
- 1/2 փունջ կանաչ սոխ
- 0,5 բաժակ ընկույզ
- 1 հատ ավոկադո
- 1/2 բաժակ մայոնեզ
- 2 ճ.գ. թթվասեր
- 1 ճ.գ. կիտրոնի հյութ
- աղ ու աղացած սև պղպեղ՝ ըստ ճաշակի
Պատրաստման եղանակը
- Հավի կրծքամիսը եփեք, հովացրեք, ձեռքով թելերի վերածեք:
- Նեխուրը լվացեք, մանր կտրատեք: Խաղողը լվացեք, հատիկներն առանձնացրեք, յուրաքանչյուր հատիկը կիսեք:
- Կանաչ սոխը լվացեք, մանր կտրատեք:
- Ընկույզը մանր կտրատեք կամ բլենդերով մանրացրեք:
- Լավ հասած ավոկադո ընտրեք: Լվացեք, մաքրեք, փոքր կտորներով կտրատեք:
- Կտրտած բաղադրիչները լցրեք մեծ պնակի մեջ, աղ ու պղպեղ արեք:
- Առանձին պնակի մեջ խառնեք մայոնեզը, թթվասերն ու կիտրոնի հյութը, ստացված զանգվածը լցրեք աղցանի վրա, խառնեք ու մատուցեք: