Պատրաստեք հավի մսով, կարտոֆիլով ու գազարով այս համեղ կարկանդակը:
Բաղադրիչները
6 բաժնի համար
- 750 գ խմորիչով խմոր
- 300 գ հավի փափկամիս
- 2 հատ կարտոֆիլ
- 1 գլուխ սոխ
- 1 հատ գազար
- 3 ճ.գ. կարագ
- 1 հատ ձու
- 1 հատ դափնու տերև
- աղացած սև պղպեղ
- աղ
Պատրաստման եղանակը
- Հավի փափկամիսը փոքր կտորներով կտրատեք: Կարտոֆիլը, սոխն ու գազարը տաշեղաձև կտրատեք, խառնեք հավի մսի հետ, աղ ու պղպեղ արեք, խառնեք:
- Խմորը 0,7 սմ հաստությամբ բացեք, 2 անհավասար մասի բաժանեք:
- Մեծ չափի խմորը դրեք կարագ քսած տապակի մեջ, խմորի վրա լցրեք պատրաստած միջուկը, դափնու տերևը, կարագի փոքրիկ կտորներ: Ծածկեք փոքր չափի խմորով, ծայրերն ամրացրեք: Կարկանդակի կենտրոնում անցք արեք: Կարկանդակի երեսին հարած ձու քսեք և մեկ ժամով տեղադրեք 200 աստիճան ցելսիուս տաքության ջեռոցում:
- Մատուցելիս կարկանդակը կտրատեք: