Ֆրիկասեն ռագու է, որը պատրաստվում է սպիտակ մսից որևէ սպիտակ սոուսի մեջ: Հավի մսով ու շամպինյոններով ֆրիկասեն պարզ ու հասարակ բաղադրատոմս է: Անպայման փորձեք այս համեղ ուտեստը:
Բաղադրիչները
1 բաժնի համար
- 150 գ հավի փափկամիս
- 100 գ շամպինյոն
- 100մլ 12 տոկոսանոց սերուցք
- 20գ կարագ
- 40 գ պինդ պանիր
- 20 գ ալյուր
- աղ, աղացած սև պղպեղ, աղացած մշկընկույզ՝ ըստ ճաշակի
Պատրաստման եղանակը
- Հավի փափկամիսը տաշեղաձև կտրատեք:
- Թավան տաքացրեք միջին ուժգնության կրակի վրա, նրա մեջ հալեցրեք կարագը:
- Շամպինյոնը խոշոր կտորներով կտրատեք:
- Հավի փափկամիսը թաթախեք ալյուրի մեջ ու տեղադրեք կարագով թավայի մեջ: Բոլոր կողմերից մոտ 1,5-2 րոպե տապակեք հավի միսը մինչև թույլ ոսկեգույն երանգ ստանալը:
- Թավայի մեջ ավելացրեք կտրտած սնկերը:
- Հավի միսն ու սունկն իրար հետ 1,5-2 րոպե տապակեք, ավելացրեք աղը, աղացած սև պղպեղն ու աղացած մշկընկույզը:
- Ավելացրեք սերուցքը:
- Սերուցքով հավի միսը թողեք շատ թույլ կրակի վրա մոտ 10 րոպե մինչև սերուցքը խտանա:
- Պանիրը մանր քերիչով անցկացրեք:
- Եփելու վերջում ավելացրեք քերած պանիրը, հանեք կրակից ու խառնեք:
- Մատուցեք: