Պատրաստեք այս համեղ ապուրը:
Բաղադրիչները
6 բաժնի համար
- 500 գ հավի փափկամիս
- 200 գ հալած պանիր
- 400 գ կարտոֆիլ
- 150 գ գլուխ սոխ
- 180 գ գազար
- 30 գ կարագ
- աղ, աղացած սև պղպեղ, կանաչի
Պատրաստման եղանակը
- Հավի փափկամիսը ոչ շատ փոքր կտորներով կտրատեք, լցրեք կաթսայի մեջ, վրան սառը ջուր լցրեք, դրեք կրակին, եռացրեք, միջին ուժգնության կրակի վրա 30 րոպե եփեք:
- Կարտոֆիլը մաքրեք, լվացեք, փոքր կտորներով կտրատեք:
- Գազարը մաքրեք, լվացեք, տաշեղաձև կտրատեք: Սոխը մաքրեք, լվացեք, խորանարդաձև կտրատեք:
- Հավի փափկամսին ավելացրեք կտրտած կարտոֆիլը, ևս 15 րոպե եռացրեք:
- Թավան տաքացրեք, մեջը կարագ դրեք, ավելացրեք սոխն ու գազարը, միջին ուժգնության կրակի վրա խառնելով մոտ 3 րոպե շոգեխաշեք:
- Տապակած գազարն ու սոխն ավելացրեք ապուրին, աղ ու պղպեղ արեք, 3-4 րոպե եփեք:
- Հալած պանիրը փոքր կտորներով կտրատեք:
- Կանաչին լվացեք ու մանր կտրատեք: Ապուրին ավելացրեք հալած պանիրն ու կանաչին, լավ խառնեք ու հանեք կրակի վրայից:
- Մատուցեք չորահացի հետ: