Պատրաստեք այս համեղ ապուրը:
Բաղադրիչները
6 բաժնի համար
- 200 գ հավի միս
- 3-4 հատ կարտոֆիլ
- 80 գ բրինձ
- 1 հատ գազար
- 1 գլուխ սոխ
- 200 գ հալած պանիր
- 4 կտոր հաց
- 1,5 լ ջուր
- աղ, բուսական յուղ՝ ըստ ճաշակի
Պատրաստման եղանակը
- Կաթսայի մեջ լցրեք ջուրը, մեջը դրեք հավը, աղ արեք: Եռալուց հետո հավը 30 րոպե եփեք: Եփելուց հետո միսը հանեք, արգանակը հովացրեք:
- Արգանակը կրկին եռացրեք, ավելացրեք լվացած բրինձը: Միջին ուժգնության կրակի վրա 10-15 րոպե եփեք:
- Կաթսայի մեջ ավելացրեք խորանարդաձև կտրտած կարտոֆիլը և 10 րոպե էլ եփեք:
- Թավայի մեջ տապակեք խորանարդաձև կտրտած սոխը և քերած գազարը: Տապակածն ավելացրեք ապուրին:
- Ավելացրեք հալած պանիրն ու լավ խառնեք ապուրը, որպեսզի պանիրը լուծվի:
- Ամենավերջում ապուրին ավելացրեք հավի կտրտած միսը, եռացրեք, հանեք կրակի վրայից, թողեք մի քիչ մնա:
- Բուսական յուղով թավայի մեջ խորովեք հացի կտորները մինչև ոսկեգույն երանգ ստանալը:
- Ապուրը մատուցեք տաք վիճակում՝ զարդարելով չոր հացի կտորներով ու թարմ կանաչիով: