Պատրաստեք հորթի մսով շչին:
Բաղադրիչները
8 բաժնի համար
- 600 գ կաղամբ
- 400 գ հորթի միս (կրծքի հատվածից)
- 1,5 լիտր ջուր
- 4 հատ լոլիկ
- 1 հատ գազար
- 1 հատ մաղադանոսի արմատ
- 1 գլուխ սոխ
- 1 հատ քաղցր պղպեղ
- 1 հատ կարտոֆիլ
- 80 գ սպանախ
- 3 ճ.գ. բուսական յուղ
- 4 թ.գ. թթվասեր
- 2 ճ.գ. մաղադանոսի կամ սամիթի կտրտած տերևներ
- դափնու տերև
- աղացած սև պղպեղ
- աղ
Պատրաստման եղանակը
- Հորթի կրծքամսի վրա տաք ջուր լցրեք, արագ հասցրեք եռման աստիճանի, փրփուրը հեռացրեք: Ավելացրեք աղը, թույլ եռալով 1 ժամ 30 րոպե եփեք: Արգանակը հովացրեք, միսը ոչ մեծ կտորներով կտրատեք:
- Կարտոֆիլն ուղղանկյունաձև կտրատեք, կաղամբը, գազարը, քաղցր պղպեղը, սոխն ու մաղադանոսի արմատը՝ տաշեղաձև: Լոլիկների կեղևը հեռացրեք, պտղամիսը կտրատեք:
- Յուղը տաքացրեք, սոխը 5 րոպե տապակեք յուղի մեջ, ավելացրեք գազարը, քաղցր պղպեղն ու ևս 10 րոպե պատրաստեք:
- Կտրատեք սպանախը:
- Եռացող արգանակի մեջ լցրեք կարտոֆիլն ու կաղամբը: 15 րոպե եփեք, ապա ավելացրեք պատրաստած սոխը, գազարը, քաղցր պղպեղը: Ավելացրեք նաև մաղադանոսը, լոլիկը, համեմունքները, սպանախն ու 15 րոպե եփեք: Եփելու ավարտին մոտ ավելացրեք մսի կտորները:
- Պատրաստի ապուրը 15 րոպե թողեք գազօջախին, ապա լցրեք ափսեների մեջ:
- Մատուցելիս համեմեք թթվասերով ու կտրտած կանաչիով: