Պատրաստեք այս համեղ ուտեստը:
Բաղադրիչները
- 2 գլուխ սոխ
- 3 ճ.գ. բուսական յուղ
- 300 գ տավարի մսի խճողակ
- 2 ճ.գ. սոյայի սոուս
- 400 գ կանաչ լոբի
- աղ, մսի համար նախատեսված համեմունք
- մի քանի ճյուղ կանաչի
Պատրաստման եղանակը
- Սոխը մանր խորանարդների ձևով կտրատեք: Թավայի մեջ լցրեք բուսական յուղը, դրեք կրակին, ավելացրեք կտրտած սոխը, տապակեք մինչև ոսկեգույն երանգ ստանալը:
- Տապակած սոխին ավելացրեք մսի խճողակը, ուժեղ կրակի վրա 5 րոպե տապակեք:
- Տապակած մսի հետ խառնեք սոյայի սոուսը, մսի համար նախատեսված համեմունքն ու կտրտած կանաչին: Ապա ավելացրեք կանաչ լոբին, աղ արեք, թավայի կափարիչը ծածկեք ու կրակը թուլացրեք:
- Պարբերաբար խառնելով՝ պատրաստեք մինչև լոբու փափկելը: Մատուցեք: