Պատրաստեք այս համեղ տաք աղցանը:
Բաղադրիչները
- 2 կտոր հավի փափկամիս
- 2 հատ բուլղարական պղպեղ
- 1 գլուխ սոխ
- 400 գ կանաչ լոբի
- 1 պճեղ սխտոր
- 1-2 ճ.գ. սոյայի սոուս
- աղ, աղացած սև պղպեղ
- բուսական յուղ՝ տապակելու համար
Պատրաստման եղանակը
- Հավի փափկամիսը փոքր կտորներով կտրատեք, պղպեղը տաշեղաձև կտրատեք, իսկ սոխը՝ կիսաօղակաձև: Լոբին 5 րոպեով լցրեք եռացող աղաջրի մեջ:
- Թավայի մեջ լցրեք բուսական յուղը, մեջը տապակեք հավի մսի կտորները մինչև պատրաստ լինելը՝ մոտ 10-15 րոպե: Աղ ու պղպեղ արեք: Առանձին տապակեք սոխը, ապա ավելացրեք բուլղարական պղպեղն ու ևս 10 րոպե տապակեք:
- Հավի տապակած մսին ավելացրեք կանաչ լոբին ու տապակած բանջարեղենը, մանրացրած սխտորն ու սոյայի սոուսը: Խառնեք ու մի քանի րոպե էլ տապակեք:
- Մատուցեք տաք վիճակում: