Պատրաստեք այս համեղ ապուրը:
Բաղադրիչները
3 բաժնի համար
- 3-4 հատ լոլիկ
- 100 գ կանաչ լոբի
- 60 գ մանր վերմիշել
- 2 հատ կարտոֆիլ
- 1 գլուխ սոխ
- 1 հատ գազար
- 1-2 պճեղ սխտոր
- 1-2 ճ.գ. բուսական յուղ
- 1 թ.գ. աղ
- կես թ.գ. աղացած սև պղպեղ
- փոքր փունջ թարմ մաղադանոս
- 800 մլ ջուր
Պատրաստման եղանակը
- Գազարը մաքրեք, բարակ կիսաօղակների ձևով կտրատեք:
- Սոխը մաքրեք, մանր խորանարդաձև կտրատեք:
- Կանաչ լոբին մաքրեք, լվացեք, մոտ 3 սմ երկարության մասերի բաժանեք:
- Լոլիկների վրա խաչաձև կտրվածք արեք, մի քանի վայրկյանով մտցրեք եռացրած ջրի մեջ, հանեք, պահեք սառը ջրի տակ, կեղևը հեռացրեք, պտղամիսը մանր խորանարդների ձևով կտրատեք:
- Սխտորը մաքրեք, մանր կտրատեք: Հաստ հատակով կաթսան դրեք կրակին, մեջը լցրեք կտրտած սոխն ու սխտորը: Խառնելով՝ միջին ուժգնության կրակի վրա 2-3 րոպե տապակեք մինչև թափանցիկ դառնալն ու փափկելը:
- Կարտոֆիլը մաքրեք, միջին չափի խորանարդների ձևով կտրատեք: Կաթսայի մեջ ավելացրեք կտրտած գազարն ու կարտոֆիլը:
- Կաթսայի մեջ ավելացրեք կտրտած լոլիկը: Խառնեք կաթսայի պարունակությունն ու 3-4 րոպե պատրաստեք:
- Կաթսայի մեջ լցրեք անհրաժեշտ քանակի ջուր ու այն հասցրեք եռման:
- Ավելացրեք կանաչ լոբին ու միջին ուժգնության կրակի վրա 5-6 րոպե եփեք:
- Ավելացրեք նաև վերմիշելը, աղ ու պղպեղ արեք: Խառնեք ու 3-4 րոպե էլ պատրաստեք: Մաղադանոսը լվացեք, տերևները մանր կտրատեք ու ավելացրեք ապուրին: Ապուրը եռացրեք ու հանեք կրակի վրայից:
- Ապուրը մատուցեք անմիջապես պատրաստ լինելուց հետո: Մատուցելիս վրան կտրտած մաղադանոս լցրեք: