Պատրաստեք այս համեղ ուտեստը:
Բաղադրիչները
4 բաժնի համար
- 600 գ խոզի միս
- 600 գ կանաչ ոլոռ
- 1 գլուխ սոխ
- 2 կոթուն նեխուր
- 2 ճ.գ. բուսական յուղ
- 6 պճեղ սխտոր
- 100 մլ տոմատի մածուկ
- 400 մլ ջուր
- սամիթ, մաղադանոս՝ ըստ ճաշակի
- աղ, աղացած սև պղպեղ՝ ըստ ճաշակի
- 2 հատ դափնու տերև
Պատրաստման եղանակը
- Նեխուրը լվացեք, չորացրեք, շատ մանր կտրատեք: Սխտորը մանր կտրատեք: Նեխուրը բուսական յուղի մեջ 3 րոպե տապակեք, ավելացրեք սխտորը:
- Խոզի միսը լվացեք, ոչ մեծ կտորներով կտրատեք: Լցրեք նեխուրով թավայի մեջ: Պատրաստեք մինչև միսը ամբողջությամբ բաց գույն ստանա (առանց վարդագույն երանգի):
- Ավելացրեք տոմատի մածուկը, ոլոռը, ջուրը, դափնու տերևը, աղ ու պղպեղ արեք: Կափարիչը փակեք, 30-40 րոպե շոգեխաշեք:
- Մատուցելուց առաջ կտրատեք մաղադանոսն ու սամիթը: Ուտեստը լցրեք ափսեների մեջ, վրան կանաչի լցրեք ու մատուցեք: