Պատրաստեք այս համեղ, թեթև ուտեստը:
Բաղադրիչները
3 բաժնի համար
- 2-3 հատ լոլիկ
- 6-7 փոքր կտոր մոցարելա պանիր
- 1 փունջ ռեհան
- 2 պճեղ սխտոր
- 3 ճ.գ. ձիթապտղի ձեթ
- 1-ական պտղունց աղ ու աղացած սև պղպեղ
Պատրաստման եղանակը
- Խորը պնակի մեջ լցրեք ձիթապտղի ձեթը, աղը, աղացած սև պղպեղը, ճզմած սխտորը:
- Մանր կտրատեք ռեհանը, ավելացրեք ձեթի զանգվածին: Խառնեք:
- Լոլիկները օղակաձև կտրատեք, շարեք տափակ ու լայն ափսեի վրա:
- Լոլիկների վրա քսեք ձեթից, սխտորից ու ռեհանից պատրաստած խառնուրդը:
- Մոցարելայի կտորները դրեք լոլիկների վրա, վրան աղացած սև պղպեղ արեք ու մատուցեք: