Պատրաստեք այս համեղ կարկանդակը:
Բաղադրիչները
8 բաժնի համար
Խմորի համար
- 150 գ ցորենի ալյուր
- 150 գ կարագ
- 150 գ ոչ յուղոտ կաթնաշոռ
- 1 թ.գ. աղ
Միջուկի համար
- 400 գ մսի խճողակ (խոզի ու ոչխարի միս)
- 1 գլուխ սոխ
- 2 պճեղ սխտոր
- 5 ճ.գ. տոմատի մածուկ
- 2 հատ ձու
- 100 գ քերած պինդ պանիր
- 2 ճ.գ. բուսական յուղ
- 1-ական թեյի գդալ չորացրած, մանրացրած ուրց ու խնկածաղիկ
- 1 փունջ մաղադանոսի տերև
- աղացած սև պղպեղ, աղ
Պատրաստման եղանակը
- Կաթնաշոռը լավ տրորեք: Ալյուրից, խոշոր քերիչով անցկացրած սառած կարագից, կաթնաշոռից ու աղից հարթ խմոր հունցեք: Խմորը ծածկեք անձեռոցիկով և 30 րոպեով տեղադրեք սառնարանում:
- Սոխը մանր խորանարդների ձևով կտրատեք, սխտորը ճզմեք: Սոխը բուսական յուղի մեջ տապակեք մինչև թափանցիկ դառնալը:
- Ավելացրեք սխտորը, տոմատի մածուկը և խառնելով 1-2 րոպե տապակեք:
- Ավելացրեք մսի խճողակն ու շարունակեք տապակել ևս 10 րոպե՝ ժամանակ առ ժամանակ խառնելով: Վերջում ավելացրեք ուրցն ու խնկածաղիկը, աղ ու պղպեղ արեք:
- Մաղադանոսի տերևները մանր կտրատեք, խառնեք ձվի ու պանրի կեսի հետ, ավելացրեք խճողակին:
- 26 սմ տրամագծով շրջանաձև տապակին կարագ քսեք, վրան ալյուր ցանեք: Խմորը 0,5 սմ հաստությամբ բացեք ու տեղադրեք տապակի մեջ: Խմորի ծայրերը 3 սմ բարձրացրեք:
- Խմորի վրա հարթ շերտով տեղադրեք պատրաստած միջուկը:
- Միջուկի վրա լցրեք մնացած քերած պանիրն ու տապակը 30 րոպեով մտցրեք 200 աստիճան ցելսիուս տաքության ջեռոցը: