Պատրաստեք թթու դրած կաղամբով ու մսի խճողակով այս համեղ գերմանական կարկանդակը:
Բաղադրիչները
6 բաժնի համար
- 600 գ թթու դրած կաղամբ
- 2 հատ ձու
- 300 գ մսի խճողակ (տավարի ու խոզի մսի խառնուրդ)
- 1 գլուխ սոխ
- 150 մլ թթվասեր (20 տոկոս յուղայնությամբ)
- 30 գ մանրացրած չորահաց
- 15 գ կարագ
- 30 գ բուսական յուղ
- աղ
- համեմունքներ՝ ըստ ճաշակի (միսը համեմելու համար)
Պատրաստման եղանակը
- Սոխը խորանարդաձև կտրատեք, բուսական յուղի մեջ տապակեք մինչև ոսկեգույն երանգ ստանալը:
- Սոխին ավելացրեք մսի խճողակը, տապակեք, աղ արեք, համեմեք:
- Թավան կափարիչով ծածկեք, թույլ կրակի վրա 15 րոպե շոգեխաշեք միսը:
- Ձվերը աղի ու պղպեղի հետ հարեք:
- Հարած ձվին ավելացրեք չորահացի 2/3 մասը: Լավ խառնեք:
- Ձվի խառնուրդը լցրեք թթու դրած կաղամբի վրա, խառնեք:
- Տապակի հատակն ու պատերը պատեք կարագով, վրան լցրեք մնացած չորահացը:
- Թթու կաղամբի կեսը լցրեք տապակի մեջ: Կաղամբի վրա լցրեք տապակած մսի խճողակը, խճողակի վրա՝ կաղամբի մյուս կեսը:
- Կաղամբի մակերեսին թթվասեր քսեք:
- Տապակը 40-45 րոպեով տեղադրեք 180 աստիճան ցելսիուս տաքության ջեռոցում:
- Մատուցեք տաք վիճակում: