Պատրաստեք այս համեղ փքաբլիթները:
Բաղադրիչները
12 բաժնի համար
Խմորի համար
- 3 հատ ձու
- 1,5 բաժակ կաթ
- 1,5 բաժակ ալյուր
- 1 ճ.գ. փխրեցուցիչ
- 3 ճ.գ. շագանակագույն շաքարավազ
- 1 պտղունց աղ
- 1/8 թ.գ.վանիլին
- կարագ՝ ֆորմաներին քսելու համար
Միջուկի համար
- 1 հատ խնձոր
- 1 ճ.գ. շաքարավազ
- 1/2 թ.գ. աղացած դարչին
- 1/8 թ.գ. աղացած մշկընկույզ
- 1 ճ.գ. կարագ
Պատրաստման եղանակը
- Միջուկը պատրաստելու համար խառնեք շաքարավազը, աղացած դարչինն ու մշկընկույզը:
- Խնձորը մաքրեք կեղևից, խորանարդաձև կտրատեք:
- Կտրտած խնձորը խառնեք շաքարավազի, դարչինի ու մշկընկույզի խառնուրդի հետ:
- Թավայի մեջ տաքացրեք կարագը, միջին ուժգնության կրակի վրա կարագի մեջ տապակեք խնձորը՝ մոտ 5-7 րոպե մինչև փափկելը: Թավան հանեք կրակի վրայից:
- Խմորը պատրաստելու համար խառնեք ալյուրը, փխրեցուցիչը, շագանակագույն շաքարավազն ու աղը:
- Ձվերը առանձին պնակի մեջ հարեք կաթի ու վանիլինի հետ:
- Ձվի, կաթի ու վանիլինի խառնուրդը լցրեք ալյուրի խառնուրդի մեջ ու լավ խառնեք:
- Խմորի մեջ լցրեք տապակած խնձորն ու խառնեք:
- Կեքսերի համար նախատեսված ֆորմաները պատեք կարագով, խմորը լցրեք ֆորմաների մեջ, 30-35 րոպեով տեղադրեք 180 աստիճան ցելսիուս տաքության ջեռոցում: