Պատրաստեք այս համեղ բավարական կարկանդակը:
Բաղադրիչները
4 բաժնի համար
- 2 հատ խնձոր
- 100 գ ռիկոտտա պանիր
- 90 գ կարագ
- 1 հատ ձու
- 1 բաժակ ալյուր
- 100 գ շաքարավազ
- 3 պտղունց աղացած դարչին
- 2 պտղունց աղ
Պատրաստման եղանակը
- Փափկեցրած կարագը տեղադրեք խորը պնակի մեջ, ավելացրեք 40 գ շաքարավազ ու մի պտղունց աղ:
- Ավելացրեք նաև ալյուրն ու պատառաքաղով խառնեք:
- Խմորին ավելացրեք ձվի դեղնուցը, անհրաժեշտության դեպքում՝ մի փոքր էլ ալյուր ու խմոր հունցեք:
- Խմորի գունդը ծածկեք կերակրի թաղանթով ու 15-20 րոպեով տեղադրեք սառնարանում:
- Ռիկոտտա պանիրը տեղադրեք խորը պնակի մեջ, վրան լցրեք ձվի սպիտակուցը, 40 գ շաքարավազ ու մի պտղունց աղ: Պատառաքաղով խառնեք:
- Խմորը ձեռքերով ամրացրեք տապակի հատակին, ծայրերը մի փոքր բարձրացրեք:
- Խնձորը լվացեք, կորիզները հեռացրեք, մասերի բաժանեք:
- Խմորի վրա լցրեք պանրային խառնուրդը, պանրային խառնուրդի վրա շրջանաձև (պարույրաձև) շարեք կտրտած խնձորները:
- Խնձորների վրա շաքարավազ ու աղացած դարչին ցանեք:
- Տապակը մոտ 35-40 րոպեով տեղադրեք 180 աստիճան ցելսիուս տաքության ջեռոցում:
- Պատրաստի կարկանդակը թողեք մի փոքր հովանա ու մատուցեք: Ցանկության դեպքում վրան կարող եք շաքարի փոշի ցանել: