Հեշտ ու համեղ. Նրբերշիկով տաք բուտերբրոդներ

Պատրաստեք այս համեղ բուտերբրոդները:

Բաղադրիչները
2 բաժնի համար

• 2 կտոր հաց
• 1 հատ նրբերշիկ
• 1 հատ ձու
• 30 գ պինդ պանիր
• 2-3 ճյուղ կանաչ սոխ
• 2 գ աղ
• 2 գ աղացած սև պղպեղ

Պատրաստման եղանակը

1. Կանաչ սոխը լվացեք, մանր կտրատեք: Նրբերշիկի թաղանթը հեռացրեք, մանր կտրատեք:
2. Պինդ պանիրը մանր քերիչով անցկացրեք, լցրեք պնակի մեջ:
3. Պանրով պնակի մեջ ավելացրեք կտրտած սոխն ու նրբերշիկը: Վրան ջարդեք ձուն, աղ ու պղպեղ արեք: Լավ խառնեք:
4. Ստացված խառնուրդը հավասարաչափ քսեք հացերի վրա:
5. Չոր թավան դրեք կրակին, 30 վայրկյանից բուտերբրոդները դրեք մեջը, կափարիչով ծածկեք: Կրակը թուլացրեք ու 2-3 րոպե տապակեք:
6. Պանիրը պետք է հալչի:
7. Բուտերբրոդները դրեք ափսեի մեջ ու տաք մատուցեք: