Պատրաստեք ոչխարի մսով ու շամպինյոններով այս համեղ կարկանդակը:
Բաղադրիչները
6 բաժնի համար
- 1 կգ շերտավոր խմոր
- 600 գ ոչխարի փափկամիս
- 200 գ շամպինյոն
- 2 գլուխ սոխ
- 1 բաժակ մսի արգանակ
- 1 բաժակ կարմիր չոր գինի
- 4 պճեղ սխտոր
- 3 ճյուղ հազրեվարդ (розмарин)
- 1 հատ ձու
- 4 ճ.գ. ձիթապտղի ձեթ
- աղացած սև պղպեղ
- աղ
Պատրաստման եղանակը
- Սոխն ու սխտորը քառակուսաձև կտրատեք, կտրատեք նաև շամպինյոնները:
- Ոչխարի միսը խորանարդաձև կտրատեք, աղ ու պղպեղ արեք, ձեթի մեջ տապակեք մինչև ոսկեգույն երանգ ստանալը: Միսը հանեք թավայի միջից, մնացած ձեթի մեջ տապակեք սոխը, սխտորն ու շամպինյոնները: Ավելացրեք հազրեվարդը, աղ ու պղպեղ արեք, 5 րոպե տապակեք:
- Միսը լցրեք կաթսայի մեջ, ավելացրեք արգանակն ու գինին, եռացրեք ու թույլ կրակի վրա 10 րոպե եփեք:
- Շերտավոր խմորը 0,5 սմ հաստությամբ բացեք, 2 մասի բաժանեք: Կարագ քսած տապակի մեջ տեղադրեք խմորի մի շերտը, վրան լցրեք պատրաստած միջուկը: Ծածկեք խմորի երկրորդ շերտով, խմորի ծայրերը միացրեք: Դանակով խմորի վրա անցքեր արեք:
- Կարկանդակի վրա քսեք 1 ճ.գ. ջրի հետ հարած ձուն ու տապակը տեղադրեք 220 աստիճան ցելսիուս տաքության ջեռոցում մինչև պատրաստ լինելը:
- Մատուցելիս կարկանդակը մասերի բաժանեք: