Ոսպը մեզ հայտնի հացահատիկային մշակաբույսերից ամենահինն է. այն աճեցրել են դեռևս Համաշխարհային ջրհեղեղից առաջ: Ամեն դեպքում մ.թ.ա. 7000 թվականին ոսպի մշակման մասին վկայություններ կան: Ասիայի հարավ-արևմուտքից ոսպը տարածվել է դեպի միջերկրածովյան երկրներ:
Տարվա մեջ կա մի օր, երբ իտալացիները ոսպ են ուտում: Խոսքը Նոր տարվա մասին է: Իտալացիները վստահ են, որ եթե այդ օրը գոնե մի գդալ ոսպ ուտես, գալիք տարին հաջող ու հարուստ է լինելու:
Փորձեք ոսպի պատրաստման սարդինյան եղանակը, որն էլ կներկայացնենք ստորև:
Ապուրն սկսեք պատրաստել մատուցելուց 13 ժամ առաջ:
Բաղադրիչները
4-6 բաժնի համար
- 200 գ շագանակագույն ոսպ
- 300 գ բազուկի ճավ
- 3 միջին չափի հասած լոլիկ
- 1 միջին չափի գլուխ սոխ
- 100 գ շատ մանր մակարոն
- 4 ճ.գ. ձիթապտղի ձեթ
- աղ
Պատրաստման եղանակը
- Ոսպը մաքրեք, վրան սառը ջուր լցրեք, 12 ժամով թողեք: Հետո ջուրը թափեք, ոսպի վրա 1,5 լիտր սառը ջուր լցրեք, հասցրեք եռման աստիճանի և թույլ կրակի վրա 1 ժամ եփեք: Եփելու վերջում աղ արեք:
- Բազուկի ճավը մաքրեք, հոսող ջրի տակ լվացեք, շերտերով կտրատեք: Ոսպի եփելուց 20 րոպե առաջ բազուկի ճավն ավելացրեք կաթսայի մեջ:
- Լոլիկների վրա խաչաձև կտրվածք արեք, 30 վրկ մտցրեք եռացրած ջրի, ապա սառը ջրի մեջ, կեղևը, սերմերն ու հեղուկը հեռացրեք: Պտղամիսը մանր կտրատեք, սոխը մանրացրեք:
- Խորը թավայի մեջ տաքացրեք ձեթը, սոխը մի փոքր տապակեք՝ չթողնելով, որ գույնը փոխվի, մոտ 5 րոպե: Ավելացրեք լոլիկը, մի փոքր աղ արեք ու 3 րոպե տապակեք:
- Լոլիկի սոուսը ավելացրեք ոսպով ու բազուկի ճավով կաթսայի մեջ: Ավելացրեք նաև մանր մակարոնը: Եփեք մինչև մակարոնի պատրաստ լինելը, մոտ 3-5 րոպե:
- Ապուրը մատուցեք տաք վիճակում:
Խորհուրդ: Ապուրի մեջ կարող եք օգտագործել ինչպես վերմիշել, այնպես էլ ձևավոր մակարոնեղեն՝ աստղիկներ, խխունջիկներ և այլն: