Պատրաստեք իտալական սուրբծննդյան կարկանդակը՝ պանֆորտեն:
Բաղադրիչները
- 50 գ պնդուկ
- 50 գ ընկույզ կամ նուշ
- 100 գ թզի չիր
- 100 գ ծիրանաչիր
- 100 գ ալյուր
- 2 թ.գ. կակաոյի փոշի
- 1 թ.գ. աղացած դարչին
- 1 թ.գ. մշկընկույզ (мускатный орех)
- կես թեյի գդալ գինձ (кориандр)
- կես թեյի գդալ աղացած կոճապղպեղ
- 1 պտղունց աղացած սպիտակ պղպեղ
- 20 գ շաքարի փոշի՝ մատուցելու համար
Սիրոպի համար
- 100 մլ մեղր
- 80 գ շաքարավազ
- 1 ճ.գ. ջուր
Պատրաստման եղանակը
- Պատրաստեք սիրոպը: Կաթսայի մեջ խառնեք մեղրը, շաքարավազն ու ջուրը: Թույլ կրակի վրա տաքացրեք, 2-3 րոպե եռացրեք:
- Ստացված զանգվածը փրփրելու է, ուստի անհրաժեշտ է անընդհատ խառնել այն: Հանեք կրակից ու հովացրեք մինչև սենյակային ջերմաստիճան:
- Խորը պնակի մեջ լցրեք ընկուզեղենը, ավելացրեք համեմունքները՝ մշկընկույզը, կոճապղպեղը, դարչինը, գինձը և սպիտակ պղպեղը:
- Չրերը խոշոր կտրատեք ու լցրեք ընկուզեղենով պնակի մեջ:
- Նույն պնակի մեջ ավելացրեք ալյուրն ու կակաոյի փոշին: Լավ խառնեք:
- Ընկուզեղենով ու չրերով պնակի մեջ լցրեք սիրոպն ու լավ խառնեք:
- Տապակը պատեք կերակրի թաղանթով, վրան կարագ քսեք. մեջը լցրեք ստացված զանգվածն ու թաց ձեռքերով հարթեցրեք:
- Տապակը 30 րոպեով տեղադրեք 150 աստիճան ցելսիուս տաքության ջեռոցում: Փայլաթիթեղով հանեք ջեռոցից ու հովացրեք:
- Կարկանդակի վրա շաքարի փոշի ցանեք, կտրտեք ու մատուցեք:
Պանֆորտեն կարելի է նաև նախապես պատրաստել, փաթաթել այն կերակրի թաղանթի մեջ ու սառնարանում մինչև 6 ամիս պահել: