Գորգոնզոլա պանրի արտադրությունը հին ավանդույթ է և գոյություն ունի դեռ 10-րդ դարից: Ըստ լեգենդի՝ Գորգոնզոլա ավանից մի ցրված պանրագործ պանրի թարմ տարան մոռանում է նկուղում, որտեղ արդեն կախում էր պանրի պատրաստի գլուխները: Իսկ երբ հայտնաբերում է, որ պանիրն արդեն ներսից կանաչ բորբոսով է պատվել, որոշում է ամեն դեպքում փորձել այն: Եվ հաճելի զարմանք է ապրում համից:
Այս սուֆլեի մեջ բուրումնավետ գորգոնզոլան հրաշալի համադրվում է դդումի հետ:
Բաղադրիչները
6 բաժնի համար
- 400 գ դդում
- 300 գ յուղոտ սերուցք
- 3 ձու
- 100 գ քերած պարմեզան
- 1/2 բաժակ մաքրած ընկույզ
- 150 գ գորգոնզոլա պանիր
- 3-4 ճ.գ. կաթ
- մեծ պտղունց աղացած մշկընկույզ
- աղ, աղացած սև պղպեղ
- կարագ և մանր չորահաց՝ տարաների համար
Պատրաստման եղանակը
- Դդումը մաքրեք կեղևից ու միջուկից, միջին չափի քառակուսիների ձևով կտրատեք և գոլորշու վրա պատրաստեք մինչև փափկելը՝ մոտ 20 րոպե: Բլենդերի մեջ լցրեք դդումը, սերուցքը, ձվերն ու պարմեզան պանիրը: Աղ ու պղպեղ արեք, ավելացրեք մի պտղունց մշկընկույզ: Հարեք մինչև միատարր զանգված ստանալը:
- Կարագով պատեք սուֆլեի համար նախատեսված 6 տարաները, չորահաց ցանեք: Տարաները լցրեք դդմի զանգվածով՝ ծայրերից 1սմ ազատ թողնելով: Տարաները տեղադրեք 1/3 չափով ջուր լցրած տապակի մեջ: Տապակը 30 րոպեով տեղադրեք 170 աստիճան ցելսիուս տաքության ջեռոցում:
- Փոքրիկ կաթսայի մեջ տեղադրեք գորգոնզոլան ու լցրեք կաթը: Տաքացրեք, խառնեք մինչև փափկելն ու միատարր զանգված ստանալը:
- Տարաները հանեք ջեռոցից, սուֆլեների վրա լցրեք պանրից կրեմը և զարդարեք ընկույզով: Մատուցեք տոստերի հետ:
Խորհուրդ: Եթե որոշեք գորգոնզոլան ուրիշ պանրով փոխարինել, լավագույն տարբերակը ռոկֆորը կլինի: Ռոկֆորն ավելի սուր համ ունի, և անհրաժեշտ է, որպեսզի պանրի համը չչեզոքացնի դդմի համը: 100 գ ռոկֆորը բավական կլինի, պարզապես ևս 2 ճ.գ. յուղոտ սերուցք ավելացրեք: