Պատրաստեք այս համեղ ապուրը:
Բաղադրիչները
4 բաժնի համար
- 5 բաժակ հավի արգանակ
- 60 գ կարագ
- 0,5 թ.գ. աղ
- 1 գլուխ սոխ
- 2 ճ.գ. կանաչի
- 200 գ պահածոյացված ոլոռ
- 100 գ պարմեզան պանիր
- 150 գ երկար սպիտակ բրինձ
- աղացած սև պղպեղ
Պատրաստման եղանակը
- Գլուխ սոխը մաքրեք, լվացեք, մանր կտրատեք: Թավան տաքացրեք, ավելացրեք կարագը: Սոխը լցրեք կարագի վրա, տապակեք մինչև ոսկեգույն երանգ ստանալը՝ մոտ 10-15 րոպե:
- Սոխի վրա աղ արեք, ավելացրեք կանաչ ոլոռը: Խառնելով՝ սոխի ու ոլոռի խառնուրդը 2-3 րոպե տապակեք:
- Բրինձը լվացեք: Լվացեք ու մանր կտրատեք կանաչին:
- Սոխի ու ոլոռի խառնուրդը լցրեք կաթսայի մեջ, վրան լցրեք հավի արգանակը: Միջին կրակի վրա եռացրեք ապուրը: Ավելացրեք բրինձը: Բրնձի ապուրը եփեք 15-20 րոպե մինչև բրնձի պատրաստ լինելը: Աղ ու պղպեղ արեք՝ ըստ ճաշակի:
- Պանիրը անցկացրեք խոշոր քերիչով:
- Ապուրը լցրեք ափսեի մեջ, վրան լցրեք քերած պանիրն ու մատուցեք: