Պատրաստեք քաղցր պղպեղով ու ծովախեցգետինով ապուրը:
Բաղադրիչները
6 բաժնի համար
- 2 լիտր ձկան արգանակ
- 250 գ մաքրած ծովախեցգետին
- 2 հատ տարբեր գույների քաղցր պղպեղ
- 1 գլուխ սոխ
- 4 կտոր սպիտակ հաց
- 2 ճ.գ. կարագ
- 1 փունջ մաղադանոս
- 1/2 թ.գ. կարիի փոշի
- 1/2 բաժակ խիտ սերուցք
- աղացած վարդագույն պղպեղ
- աղ
Պատրաստման եղանակը
- Քաղցր պղպեղները մաքրեք սերմերից, խորովեք, ապա մաքրեք կեղևից: Սոխը կտրատեք ու տապակեք կարագի մի մասով:
- Ձկան արգանակը եռացրեք, ավելացրեք սոխառածը, քաղցր պղպեղն ու 15 րոպե թույլ եռալով եփեք: Մի փոքր հովացրեք, արգանակը առանձնացրեք եփած բանջարեղենից, բանջարեղենը բլենդերով հարեք մինչև միատարր զանգված ստանալը: Բանջարեղենը խառնեք արգանակի ու սերուցքի հետ:
- Ապուրին աղ ու պղպեղ ավելացրեք, տաքացրեք:
- Հացը խորանարդիկների ձևով կտրատեք, կարագի մեջ տապակեք մինչև ոսկեգույն երանգ ստանալը՝ ավելացնելով կարիի փոշին: Հացի կտորները դրեք թղթե անձեռոցիկների վրա, թողեք ավելորդ յուղը ներծծվի: Ծովախեցգետինները կտրատեք ու տապակեք այդ նույն հալած կարագի մեջ:
- Մատուցելիս ափսեների մեջ լցրեք սուպ-պյուրեն, ավելացրեք ծովախեցգետիններն ու հացի կտորները: Ապուրը ձևավորեք մաղադանոսի տերևներով: