Պատրաստեք այս համեղ ուտեստը:
Բաղադրիչները
8 բաժնի համար
- 700 գ կաղամբ
- 300 գ շամպինյոն
- 2 հատ գազար
- 2 գլուխ սոխ
- 80 մլ բուսական յուղ
- 1 ճ.գ. կիտրոնի հյութ
- աղ, աղացած սև պղպեղ՝ ըստ ճաշակի
Պատրաստման եղանակը
- Կտրտեք կաղամբը, շամպինյոններն ու մաքրած սոխը: Գազարը քերեք խոշոր քերիչով:
- Խորը թավայի մեջ տաքացրեք յուղը, ավելացրեք գազարն ու սոխը, տապակեք մինչև ոսկեգույն երանգ ստանալը:
- Ավելացրեք շամպինյոնն ու տապակեք այնքան, մինչև տապակելու ընթացքում առաջացած ջուրը գոլորշիանա:
- Ապա ավելացրեք կաղամբն ու պարբերաբար խառնելով՝ 20 րոպե տապակեք:
- Ավելացրեք կիտրոնի հյութը, աղը, աղացած սև պղպեղը, լավ խառնեք: 3 րոպեից հանեք կրակի վրայից, լցրեք ափսեներն ու մատուցեք: