Պատրաստեք այս համեղ աղցանը:
Բաղադրիչները
4 բաժնի համար
- 300 գ հավի կրծքամիս՝ առանց ոսկորի
- 5 հատ կարտոֆիլ
- 150 մլ բուսական յուղ
- 200 գ պինդ պանիր
- 2 հատ լոլիկ
- 1 հատ բուլղարական պղպեղ
- աղ, աղացած սև պղպեղ, մայոնեզ, կանաչի՝ ըստ ճաշակի
Պատրաստման եղանակը
- Հավի կրծքամիսը 20-25 րոպե եփեք ու հովացրեք:
- Մաքրած կարտոֆիլը քերեք, լվացեք ու չորացրեք:
- Թավայի մեջ, միջին ուժգնության կրակի վրա տաքացրեք բուսական յուղը: Բաժին-բաժին տապակեք կարտոֆիլը մինչև ոսկեգույն երանգ ստանալը: Լցրեք թղթե անձեռոցիկների վրա, որպեսզի ավելորդ յուղը ներծծվի: Աղ արեք ու հովացրեք:
- Պանիրը քերեք: Հավի միսը, լոլիկներն ու բուլղարական պղպեղը ոչ մեծ կտորներով կտրատեք:
- Ափսեի մեջ օղակաձև շերտ-շերտ շարեք հավի միսը, լոլիկը, բուլղարական պղպեղը, պանիրը: Յուրաքանչյուր շերտին աղ ու աղացած սև պղպեղ արեք ու մայոնեզ քսեք:
- Աղցանի վրա լցրեք տապակած կարտոֆիլը, զարդարեք կտրտած կանաչիով: