Հեշտ ու համեղ. Թթու վարունգով ու ձվով բուտերբրոդներ

Պատրաստեք այս համեղ բուտերբրոդները:

Բաղադրիչները
4 բաժնի համար

• կես հաց (բագետ)
• 2 հատ ձու
• 1 հատ գլուխ սոխ
• 3 պճեղ սխտոր
• 1 հատ թթու վարունգ
• 3 ճյուղ թարմ սամիթ
• 2 ճ.գ. մայոնեզ
• 1 ճ.գ. բուսական յուղ
• աղ, աղացած սև պղպեղ

Պատրաստման եղանակը

1. Եփեք ձուն (եռալուց հետո՝ 10 րոպե):
2. Սոխը մանր կտրատեք:
3. Բուսական յուղի մեջ տապակեք կտրտած սոխը մինչև ոսկեգույն երանգ ստանալը:
4. Մանր կտրատեք սամիթը:
5. Կես բագետը 1,5-2 սմ հաստությամբ կտրատեք:
6. Չոր թավայի մեջ երկու կողմից հացի կտորները տապակեք մինչև բաց ոսկեգույն երանգ ստանալը:
7. Սխտորը մաքրեք, կիսեք, ներսի կողմից դանակով ցանց արեք, որպեսզի հյութը դուրս գա: Քսեք հացի կտորների վրա:
8. Հովացած ձվերը մաքրեք ու մանր կտրատեք:
9. Ձուն, սոխն ու սամիթը լցրեք պնակի մեջ: Ավելացրեք մայոնեզը, աղ ու պղպեղ արեք: Խառնեք:
10. Վարունգն օղակաձև կտրատեք:
11. Հացի կտորների վրա քսեք ձվային խառնուրդը, վրան դրեք վարունգի օղակները: Մատուցեք: