Այս աղցանի արտաքին տեսքը բազմազան դարձնելու համար կարող եք պանրի տարբեր տեսակներ վերցնել: Պանրի պինդ տեսակները մանր քերիչով անցկացնելու դեպքում կարող եք աղցանի վրա «պանրային ամպ» ստանալ: Ավելի փափուկ պանիրը կարող եք երկար-տաշեղաձև քերիչով անցկացնել ու աղցանի վրա գեղարվեստական շիլաշփոթ ստանալ:
Աղցանի տեսքը կարող եք փոխել նաև խնձորի օգնությամբ՝ կանաչի փոխարեն վերցնելով կարմիրն ու դեղինը: Բայց այս դեպքում կեղևը պետք է չմաքրեք:
Բաղադրիչները
6 բաժնի համար
- 200 գ պանիր
- 2 հատ խնձոր
- 2 հատ վարունգ
- 1 հատ գազար
- 1 ճ.գ. կտրտած կանաչ սոխ
- 1/2 բաժակ յոգուրտ
- 4 ճ.գ. մայրու ընկույզ
- կիտրոնի հյութ
- աղացած սև պղպեղ
- աղ
Պատրաստման եղանակը
- Խնձորները մաքրեք, պտղամիսը տաշեղների ձևով կտրատեք ու վրան կիտրոնի հյութ ցողեք:
- Վարունգները կտրատեք, ավելացրեք կտրտած կանաչ սոխն ու խառնեք:
- Գազարն ու պանիրը անցկացրեք խոշոր քերիչով:
- Յոգուրտը խառնեք 1 թ.գ. կիտրոնի հյութի, աղի ու աղացած սև պղպեղի հետ:
- Մատուցելիս ափսեի մեջ տեղադրեք հազարի տերևները, տերևների վրա բուրգ-բուրգ շարեք պատրաստի բաղադրիչները: Վրան լցրեք մայրու ընկույզն ու պատրաստած սոուսը: Ձևավորեք կանաչիով: