Կոնսիլիում

Պաշտոնական տեղեկատվության համաձայն, այսօր ՀՀ էկոնոմիկայի փոխնախարարն ընդունել է Տիեզերքի և խոշոր աղետների միջազգային խարտիայի փորձագետների թիմին։ Թե ինչու է այդ կազմակերպության հերթական աշխատաժողովներից մեկը տեղի ունենում հենց Հայաստանում՝ կարծում ենք, հասկանալի է։ Ընդ որում, մեր տեղեկությունների համաձայն, խոշոր աղետների փորձագետները ցանկություն են հայտնել անպայման հանդիպել նաև Նիկոլ Փաշինյանի հետ՝ տեղում պրոբլեմի մասշտաբները հասկանալու և մոտիկից ուսումնասիրելու համար, սակայն հանդիպումը չի կայացել։ Փորձագետները բավարարվել են էկոնոմիկայի նախարարի հետ հանդիպումով՝ այդպիսով մոտիկից ուսումնասիրելով միջին մասշտաբի աղետի գործունեությունը։