«Հայաստան» խմբակցության պատգամավոր Թադևոս Ավետիսյանը հայտարարել է, որ էկոնոմիկայի նախարար Վահան Քերոբյանը մի քանի օրվա ընթացքում հրաժարական կտա։
«Քերոբյանի քաղաքական թիմն իր հետ անազնիվ է վարվել՝ ողջ մեղքը բարդելով նախարարի վրա: Նման պայմաններում այսուհետ ես նրա կողքին եմ լինելու»:
«ՉԻ». Ուրեմն, Վահան Քերոբյանը հրաժարական չի տա: Որովհետև եթե հրաժարական տա, կստացվի, որ «Հայաստան» դաշինքի պատգամավորը ճիշտ դուրս եկավ: Դրա համար էլ Նիկոլ Փաշինյանը թույլ չի տա, որ նախարարը հրաժարական տա, որ Թադևոս Ավետիսյանը սխալ դուրս գա:
Բայց մյուս կողմից էլ՝ Նիկոլ Փաշինյանը կարող է աշխատանքից ազատել Վահան Քերոբյանին, քանի որ «Հայաստան» խմբակցության պատգամավորը հայտարարել է, որ կանգնելու է նրա կողքին: Ինչպե՞ս կարելի է հանդուրժել մի նախարարի, որի կողքին կանգնելու մասին հայտարարում է քոչարյանական պատգամավորը: Էսօր մեկն է կանգնում, վաղը՝ մյուսը...
Հետաքրքիր է, թե հիմա ինչ է անելու Փաշինյանը: Մարդուն անորոշության մեջ գցեցին: