Երեքշաբթի 29.09.2020 14:02

Սատիրիկոն/Լուր-մեկնաբանություն
29.09.2020 / 13:15
Քաղաքական
29.09.2020 / 12:30
Քաղաքական
29.09.2020 / 12:00
Քաղաքական
29.09.2020 / 11:25
16.08.2020   11:00
1063

Մարգարիտ Եսայանի երազը


Գործ չկա, ինքը բացի խորհրդարանում ելույթ ունենալուց, ուրիշ ոչինչ չգիտի: Մեկ էլ հիշում է, որ մի 20 տարի առաջ լրագրող է եղել: Գնում է «Բլոգնյուզ»: Վերջինիս ղեկավարը ընդունում է իր սենյակում: Գլխավերևում Ստալինի նկարն է, աջից՝ Եժովի, ձախից՝ Սովետական Հայաստանի գերբը:

«Ասացեք, դուք ինչպե՞ս եք վերաբերվում այս իշխանություններին»,- հարցնում է Կոստյան: «Նողկում եմ»,- պատասխանում է ինքը: «Շնորհակալություն, ձեր պատասխանը տեղ գտավ «Բլոգնյուզում», դուք ընդունված եք»,- ասում է խմբագիրը:

Եվ ահա Կոստյան առաջին առաջադրանքն է տալիս. «Սևանում էս ապազգային իշխանությունները փարթի են անում, կգնաս, թաքուն կնկարես»:

Ինքը գնում է Սևան: Հաջորդ օրը առավոտյան վերադառնում է: OMG!!! Կաղալով, տնքալով, շորերը բզկտված, մազերը՝ գզգզված, ցեխոտված, բլուզկի վրա ինչ-որ անիվի հետքեր: «Էս ի՞նչ է եղել, խի՞ ես էս վիճակում»,- հարցնում է Կոստյան:

«Բա»,- լացակումած պատասխանում է ինքը,- «գնացի Սևան, տեսա մի տեղ փարթի են անում, պարում, օդ կրակում, սկսեցի հեռվից նկարել, մեկ էլ ըտեղից կամուֆլյաժով մեկը մի հատ չորս ակնանի մոտոցիկլով հելավ ու քշեց դուզ վրես: Երկու անգամ վրովս անցավ, թե բա ես Վովան եմ, վըը՜, վըըը՜»,- լացում է ինքը: 

«Հաա, մեր լավ ախպերն ա»,- ասում է խմբագիրը,- «բա ուրիշ տեղ գնայիր»:

«Ամեն տեղ նույնն էր, հենց մի բան էի ուզում նկարել, վրա էին տալիս: Էլ գեներալ, էլ նախկին վարչապետ, նախարար, քաղաքապետ: Մի տեղ ընդհանրապես առյուծներ հարձակվեցին: Ի՞նչ իմանայի, որ Ծառուկյանի տունն ա: Վըը՜, վըը՜»,- շարունակում է արտասվել ինքը:

Կոստյան ջղայնացած զանգում է Ժուռնալիստների միություն: «Բարև ձեզ, դուք զանգահարել եք Ժուռնալիստների միություն»,- ծմրում է ավտոատվետչիկը,- ֆեյք լուրերի համար հավաքեք 1, օդից կախված լուրերի համար հավաքեք 2, վճարովի լուրերի համար հավաքեք 3, Ժուռնալիստների միության նախագահին միանալու համար հավաքեք 0»: 

Կոստյան 0-ն սեղմում է ու առանց բարև-մարև սկսում. «Մեր լրագրողին ճնշել են իր մասնագիտական պարտականությունները կատարելիս, խոսքի ազատությունը վտանգված է, մենք պետք է ռեպորտաժ պատրաստեինք Սևանից...»,- բայց Սևան բառի վրա ավտոատվետչիկը պատասխանում է. «Ներեցեք, բայց այս պահին ժուռնալիստների միության բոլոր նախագահները զբաղված են: Փորձեք ավելի ուշ»: 

«Լավ, գնա էն «Մարտի 1-ի» դատավարությունը լուսաբանի, թե կարաս, էն հերոսից մի երկու խոսք վերցրու»,- հերթական առաջադրանքն է տալիս Կոստյան:

Հաջորդ օրը էլի առավոտյան ինքը մտնում է խմբագրություն: Մազերը՝ գզգզված, շորերը՝ ճղճղված, ձեռքերին, դեմքին, ոտքերին՝ կապտուկներ, գլխին՝ շիշկա: 

«Է՜, բա հիմա ի՞նչ է եղել»,- հունից դուրս է գալիս Կոստյան:

«Բա»,- լացակումած պատասխանում է ինքը: «Գնացի դատարան, էն հերոսին տեսա, մոտեցա, բարևեցի, մեկ էլ հարձակվեցին վրես, սկսեցին անզգույշ քաշքշել, խփել, ուզում էին զուգարան տանել, մի կերպ դրանց ճանկերից պրծա, բայց մի հատ անդուր ու քյաչալ գյադա ջերմուկի շիշը շպրտեց դուզ գլխիս: Վըը՜, վըըըըը՜»,- հոնգուր-հոնգուր լաց է լինում Մարգոն: 

Կոստյան կատաղած նորից է զանգում Ժուռնալիստների միություն. «Ալո, բարև ձեզ, ուրեմն մեր լրագրողին...»,- բայց խոսքը կիսատ է մնում, ավտոատվետչիկը պատասխանում է,- «Տղա ջան, լավ չե՞ս, քեզ հազար ասինք, ԺՄ բոլոր նախագահները այսօր, վաղը և հավիտեանս զբաղված են»:

Արթնանում է «Սասնա ծռերի» դատավարությունում:

«Չորրորդ իշխանություն», թիվ 22, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Կոնստանտին Տեր-Նակալյան, «Չորրորդ իշխանություն», Մարգարիտ Եսայան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1526




















Վազիր դատարան
Վազիր դատարան
23.09.2020 / 900