Չորեքշաբթի 30.09.2020 13:32

Սատիրիկոն/Լուր-մեկնաբանություն
30.09.2020 / 12:30
Սատիրիկոն/Լուր-մեկնաբանություն
30.09.2020 / 11:30
Սատիրիկոն/Լուր-մեկնաբանություն
29.09.2020 / 20:30
06.08.2020   20:00
984

Մարգոյի ամոթը


Նախկին ռեժիմի ագիտպրոպը աշխատում է բոլոր ուղղություններով ու «արտադրական ամբողջ ծավալով»` ներգրավելով նաև միջազգային գործընկերներին: Նիկոլ Փաշինյանից «հոգեկան հիվանդ», «դավաճան», «սեփական պատմությունն ուրացող», ԼԳԲՏ քարոզիչ ... կերտելու հարցում չի բավարարվում տեղական արտադրության «կերտիչներով» և որոշել է օգտագործել նաև հանրահայտ Մարգարիտա Սիմոնյանի «արտադրական հոսքագծերը»:

Պուտինի «լրատվական սրճեփն» ու «Միջազգային սղոցարան»-ի գլխավոր փայտահատ Տիգրան Քեոսայանի կինը, ինչպես հայտնի է, ֆեյսբուքյան իր հերթական գրառման մեջ մեջբերում է արել Նիկոլ Փաշինյանի` 2005-ին տպված «Մոռանալ նախնիներին» հոդվածից, ու...իր նախատատի անունից թքել Փաշինյանի աչքերի մեջ: Վերջում էլ ռուսերեն գրել` АМОТ: Պատկերացնո՞ւմ եք, տիկինը 15 տարի սպասել է, 15 տարի եփվել է վիրավորանքից, 15 տարի զսպել իրեն, չի արտահայտվել, սպասել է, որ ՀՀ-ում հեղափոխություն տեղի ունենա, Սերժ Սարգսյանը հեռանա, Քոչարյանին մեղադրանք առաջադրվի, նրան միջնորդությամբ ժամանակավորապես ազատեն կալանքից ու նոր միայն հիշի 15 տարվա վաղեմության սույն հոդվածի մասին ու արձագանքի դրան: Ինչպիսի՜ օպերատիվություն: Ակնհայտ է, որ տիկին Մարգոն սեփական նախաձեռնությամբ չի հիշել այդ հոդվածի մասին, նրան պարզապես օգնել են հիշել: Թե ով կամ ովքեր` դժվար չէ կռահելը:

Հոդվածի կոնտեքստից ինչ-որ «կրիմինալ» հատված կտրելու ու դրա շուրջ լալահառաչ դատողություններ անելու` տիկին Մարգոյի փորձը շատերի մոտ դեժավյու առաջացրեց: Ընթերցողը հավանաբար հիշեց, որ նման մի դեպք էլ տեղի է ունեցել 2018-ի մայիսի 1-ին, երբ ԱԺ-ն պետք է վարչապետ ընտրեր Փաշինյանին: Վերջինիս մեկ այլ` 2001-ին գրված հոդվածից այդ օրը մեջբերում արեց ԱԺ ՀՀԿ-ական պատգամավոր, Սերժ Սարգսյանի նախկին մամլո խոսնակ Արման Սաղաթելյանը: Նույն ինքը` «ՊՈԱԿ-ի Արիկի», ԱԺ աշխատակազմի ղեկավար Արա Սաղաթելյանի, Միքայել Մինասյանի PR թիմի ղեկավարի զարմիկը: Այն նույն Արա Սաղաթելյանը, որին մի քանի ամիս առաջ լուսանկարել էին Մոսկվայում` իր 22 տարվա ընկեր Արթուր Վանեցյանի հետ փողոցով քայլելիս:

Այժմ կարճ ներկայացնենք, թե որն էր տիկին Սիմոնյանի մեջբերած հոդվածի ասելիքը: Այն, որ մեր նախնիները մեզ են ժառանգել այնպիսի պատմություն, որը լի է ցեղասպանություններով, ստորացումներով, դավաճանություններով և անբարոյականությամբ: Եվ ոչինչ չեն արել, որ մենք այսօր ապրենք ավելի արժանապատիվ ու ավելի հպարտ: Եվ ուրեմն` «եկեք ամեն ինչ իսկապես սկսենք զրոյից, կարծես Աստված հենց նոր ստեղծեց մեզ, ու մենք անցյալում ոչինչ չունենք»:

Մի կողմ թողնելով այն` արդյոք համաձա՞յն ենք հոդվածում շարադրված դատողությունների հետ, թե ոչ, տիկին Մարգոյին առաջարկում ենք 15-20 տարի հետ գնալ: Ընդամենը, և տեսնել, թե ինչ են իրենցից հետո թողել ոչ վաղ անցյալի նախնիները` իշխանության բոլոր երեք ճյուղերի ուզուրպացիա, ընտրակեղծարարության հարուստ ավանդույթներ, քաղաքական համակարգի այլասերում, մի քանի օլիգարխի կողմից մեջ-մեջ արված տնտեսություն` Բաղրամյան 26-ում նստած գլխավոր օլիգարխի անմիջական հսկողությամբ, կեղեքված, թալանված ընդերք, Սիմոնյանի ծննդավայր ՌԴ-ին հանձնված գույք` պարտքի դիմաց, սեփականության իրավունքից զրկված հարյուրավոր տնանկ քաղաքացիներ, աղքատություն, արտագաղթ, «Հոկտեմբերի 27», «Մարտի 1», Ապրիլյան պատերազմ` 100 զոհերով ու 800 հեկտար կորստով... Թեև տիկին Մարգոյի աչքերի մեջ նայելու հնարավորություն չունենք, սակայն նրան հեռահար մի երկու հարց հղենք` եթե իր նախատատը ողջ լիներ ու իմանար, որ Ցեղասպանություն տեսած հայ ժողովուրդն իր երկրում սեփական կառավարիչների կողմից ենթարկվել է նման կեղեքումների ու ստորացման, ի՞նչ կաներ: Վստահ ենք, որ տեղը տեղին ու ի խորոց սրտի կթքեր կեղեքիչների աչքերի մեջ` մինչ այդ արդեն իսկ թքած լինելով տիկին Մարգոյի աչքերի մեջ, որոնք տեսել են այս ամենը, բայց չտեսնելու են տվել և հենց այդ սիմուլյանտության համար էլ պարգևատրվել են: Բայց ոչ թե կույրերի համար նախատեսված ակնոցով, այլ` Մովսես Խորենացու մեդալով: АМОТ, հազար անգամ АМОТ:

Հեղինե Մանուկյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Հեղինե Մանուկյան, Մարգարիտա Սիմոնյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















Մալադե´ց, աներ
Մալադե´ց, աներ
11.09.2020 / 1528





















Վազիր դատարան
Վազիր դատարան
23.09.2020 / 912