Սատիրիկոն/Լուր-մեկնաբանություն
05.03.2021 / 14:00
Սատիրիկոն/Լուր-մեկնաբանություն
05.03.2021 / 12:00
Սատիրիկոն/Լուր-մեկնաբանություն
04.03.2021 / 21:00
Քաղաքական
04.03.2021 / 20:00
Սատիրիկոն/Լուր-մեկնաբանություն
04.03.2021 / 19:00
31.01.2021   20:00
753

Անդունդի եզրին՝ յոնջայի դաշտում


ՃԱԿԱՏԱԳՐԻՑ ՔՇՎԱԾՆԵՐԸ

Ռուսաստանը փետրվարի 1-ից մեկ ամսով բացում է սահմանը: Այս լուրը մեր ժողովրդի որոշակի հատված ցնծությամբ է ընդունել: Ո՛չ, սոցցանցերում նրանք լուռ են, սակայն սովորական զրույցների ժամանակ չեն թաքցնում, որ ամեն ինչ կանեն Հայաստանից արագ հեռանալու համար:

Եվ մի՞թե սա ելք չէ այն մղձավանջից, որում հայտնվել ենք պարտությունից հետո: Կարո՞ղ ենք մեղադրել այդ մարդկանց, իրավունք ունե՞նք նրանց ազգադավ անվանելու: Կարծում եմ՝ չունենք, քանի որ ո՛չ իշխանությունը, ո՛չ ընդդիմությունը, ո՛չ մտավորականությունը այլ ելք առայժմ չեն ուրվագծում: Դատարկ խոսքերին, ոգեշունչ, լալահառաչ ճառերին քչերն են արձագանքում, արձագանքողների մեծ մասն էլ կեղծում է...

Ցավոք, հայ քաղաքական միտքը գրանցում է իր հերթական պարտությունը: Անդրադառնանք իշխանություն-ընդդիմություն զույգին: 

1. Իշխանության մոնոլիտի գաղափարախոսությունը այդպես էլ չենք տեսնում: Չենք տեսնում, թե ինչ կոնկրետ ելք են առաջարկում հասարակությանը: Չենք տեսնում լուրջ, ճշմարտությանը գոնե մոտ վերլուծություն և գնահատական կատարվածի մասին. Ն. Փաշինյանն ու թիմն ընտրել են ինքնարդարացման և ահաբեկման ճանապարհը: Սրանց արդարացումները զավեշտական կլինեին, եթե մենք լինեինք այլ երկրի քաղաքացիներ, կամ էլ իրենք չլինեին իշխանություն: Բայց մենք ՀՀ քաղաքացիներ ենք, իսկ իրենք՝ իշխանություն: Իրենք իշխանություն են և պետք է մեզ ասեն ճշմարտությունը.

ա. բանակի մասին

բ. տնտեսական վիճակի մասին

գ. աշխարհաքաղաքական իրադրության մասին:

Իրենք պետք է զբաղվեն արտաքին քաղաքականությամբ շատ ավելի լուրջ, քան երբևէ եղել է անկախ Հայաստանի պատմության շրջանում: Սակայն տեսնում ենք իմպուլսիվ, գրեթե անհեթեթ քայլեր: Օրինակ՝ Լիլիթ Մակունցի հնարավոր նշանակումը ԱՄՆ դեսպանի պաշտոնում: Տեսնում ենք ակտիվ պայքար իշխանությունը պահելու համար՝ բոլոր հնարավոր և անհնար մեթոդներով, որոնց հիմնական բաղադրիչը, ինչպես արդեն նշեցինք, ահաբեկչությունն է: Ընդգծենք՝ իշխանությունը նվաճելու հիմնական գործոնը՝ նախկինների դեմ ատելությունը, անխնա կիրառվում է նաև այսօր: Եվ մարդկանց որոշակի զանգված օբյեկտիվորեն վախենում է նրանց վերադարձից: Դեռ որքան կտևի այս քարոզչության ազդեցությունը՝ կերևա, սակայն մի բան արդեն ակնհայտ է. իշխանությանն այլ հարցերում չեն վստահում: 

2. Ընդդիմությունը նույնպես ռեալ առաջարկներ չունի: Բազմադեմ ընդդիմության հիմնական թեզը վերաբերում է «դավաճան» Նիկոլին հեռացնելուն: Սրանց հույսը հասարակության զգացմունքների վրա խաղալն է, որովհետև շատ-շատերը դարձյալ օբյեկտիվորեն պարտության մեղքը կապում են իշխանության հետ: 

Իշխանությունը, անշուշտ, պետք է փոխվի, բայց իշխանությունն իրենց ձեռքն են ուզում վերցնել մարդիկ, որոնց գործունեությանը շատ լավ ծանոթ է ՀՀ քաղաքացին: Այդ մարդիկ այսօր էլ որևէ ռեալ ելք չեն առաջարկում: Չեն ասում.

ա. ինչպես, ինչ միջոցներով են ոտքի կանգնեցնելու բանակը.

բ. ինչպիսի տնտեսական քաղաքականություն են վարելու.

գ. ինչ արտաքին քաղաքականություն են որդեգրելու:

(Մտավորականությանն այս հոդվածում չենք անդրադառնա. առանձին թեմա է):

Եվ մղձավանջը շարունակվում է: Ելքեր ենք որոնում ամեն մեկս մեզ համար: Ոմանք գտել են. արտագաղթն է: Երկրի պետության ճակատագիրն անհայտ է, անորոշ: Իսկ երկրի թիվ 1 պաշտոնյան լավատեսությամբ զինվելու կոչ է անում: Սա էլ զավեշտ կլիներ, եթե այլ երկրի քաղաքացիներ լինեինք: 

Գրիգոր Խաչիկյան

«Չորրորդ իշխանություն», թիվ 4, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Գրիգոր Խաչիկյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված








Ստոպ-կադր
Ստոպ-կադր
01.03.2021 / 583






















Բա սա կյա՞նք է
Բա սա կյա՞նք է
03.03.2021 / 305