«Սեռական բռնության ճգնաժամային կենտրոնը» հայտնում է, որ ՀՀ Ազգային ժողովը երկրորդ ընթերցմամբ և ամբողջությամբ ընդունել է ՀՀ աշխատանքային օրենսգրքում փոփոխություններ և լրացումներ կատարելու մասին ՀՀ օրենքը, ըստ որի այսուհետ Հայաստանում օրենքով կարգելվի սեռական ոտնձգությունն աշխատավայրում:
«ՉԻ». Փաստորեն, բան ենք բաց թողել, մինչև հիմա աշխատանքի վայրում կարելի էր սեռական ոտնձգություն կատարել:
Սեռական ոտնձգությունն աշխատավայրում սահմանվել է որպես աշխատավայրում կամ գործուղումների ընթացքում սեռական բնույթի անցանկալի արարք (օրինակ՝ սեռական բնույթի առաջարկներ, հպումներ):
Մեզ հետաքրքիր է, թե ոնց են որոշելու՝ հպումը սեռական բնույթի՞ է, թե՞ պարզապես պատահականություն:
Բայց լավ օրենք է, հիմա աշխատանքի վայրում տղաներն ու աղջիկներն իրար բարևելիս էլ չեն պաչպչվելու, գիտեք, դա հայկական հին ադաթ է, պիտի զգույշ լինեն, ընդամենը օդային համբույրով բավարարվեն: