Հանրային Խորհրդի նախագահ Վազգեն Մանուկյանը՝ անդրադառնալով իր պաշտոնավարման նպատակահարմարությանը ՀԽ-ում, ասել է. «Երբ ես տեսնեմ, որ այս քաղաքականացված մթնոլորտում խորհրդատվությունները չեն «աշխատում», և մնում է միայն քաղաքական պայքարը, ապա ես Հանրային խորհրդից դուրս կգամ և քաղաքական պայքարի միջոցով իմ ասելիքը տեղ կհասցնեմ»:
«ՉԻ». Սա մեզ հիշեցրեց «Հարսացուն հյուսիսից» ֆիլմի հայտնի դրվագը, երբ Նիկոլայ Պետրովիչն ասում է. «Вот придет Наталья Семеновна, и я скажу свое мужское слово»:
Հիմա Վազգեն Մանուկյանը: Քանի տարի է, Սերժ Սարգսյանը նրան Հանրային Խորհրդի նախագահ է կարգել, մի անգամ ծպտուն չի հանել, հիմա հանկարծ ու հայտարարում է, թե հեսա ՀԽ-ից դուրս կգամ ու իմ տղամարդու խոսքը կասեմ:
Ասող լինեիր, վաղուց կասեիր: Հազար անգամ առիթ է եղել:
Չէ, ձեռից գնում է մեր Վազգեն Մանուկյանը: