Անդրադառնալով այն հարցին, որ խոսակցություններ կան ռուս խաղաղապահների և ադրբեջանցի «բնապահպանների» միջև հնարավոր պայմանավորվածության մասին՝ Արցախի արտգործնախարարի պաշտոնակատար Դավիթ Բաբայանն ասել է․ «ես ավելի շատ ահաբեկվում եմ այդ հարցից, քան բուն իրավիճակից»։
Պարզ ասած՝ Արցախի վիճակը հեչ, կարևորը՝ հանկարծ դրանում նաև ռուսների՛ն չմեղադրեն։ Վստահաբար՝ ճիշտ այդպիսին է նաև ցանկացած ռուսաստանցի չինովնիկի դիրքորոշումը, իսկ ահա ցանկացած արևմտյան չինովնիկի դիրքորոշումը փոքր-ինչ այլ է՝ «Արցախի վիճակը հեչ, կարևորը՝ դրանում ռուսների՛ն մեղադրեն»։ Իսկ ամենակայունը, ինչպես միշտ, Նիկոլ Փաշինյանի դիրքորոշումն է․ «Արցախի վիճակն է՛լ հեչ, Հայաստանինն էլ, կարևորը՝ ի՛նձ չմեղադրեն»։