Պատրաստեք բանանով, կաթնաշոռով ու թխվածքաբլիթներով այս համեղ աղանդերը:
Բաղադրիչները
6 բաժնի համար
- 2 տուփ քաղցր թխվածքաբլիթ
- 2 հատ բանան
- 300 գ կաթնաշոռ
- 2 ճ.գ. շաքարի փոշի
- 1 թ.գ. վանիլային շաքարավազ
- 3 ճ.գ. քերած շոկոլադ
- 2 ճ.գ. կոկոսի փաթիլներ
Պատրաստման եղանակը
- Կաթնաշոռը տրորեք, խառնեք շաքարի փոշու և վանիլային շաքարավազի հետ: Ավելացրեք քերած շոկոլադն ու կոկոսի փաթիլները, խառնեք:
- Թխվածքաբլիթը երեք շարքով շարեք կերակրի թաղանթի վրա, վրան քսեք կաթնաշոռային զանգվածը, հարթեցրեք: Շարեք մաքրած ու կտրտած բանանը: Կերակրի թաղանթի ծայրերը միացրեք ու թխվածքաբլիթները սեղմեք այնպես, որ տնակի տեսք ստանաք: Սառեցրեք:
- Մատուցելուց առաջ թաղանթը հեռացրեք, աղանդերը մասնատեք: