«Պաշտպաններից Հայկ Ալումյանը նշեց, որ ինքնաբացարկի երկու հիմք կա, մեկը՝ դատավորն այս գործը քննելու համար պատշաճ դատարան չի կարող հանդիսանալ, և երկրորդը՝ բացասական վերաբերմունք ունի Ռոբերտ Քոչարյանի նկատմամբ»,- գրում է Հրապարակը։
«ՉԻ». Պաշտպան Ալումյանին առաջարկում ենք մի քանի թեկնածուներ՝ իր կնոջը, որն աշխատում է Դավիթաշենի առաջին ատյանի դատարանում, Ռուբեն Մելիքյանի կնոջը, որն աշխատում է Աջափնյակի առաջին ատյանի դատարանում, Մանվել Գրիգորյանի աղջկան, որն աշխատում է Արմավիրի առաջին ատյանի դատարանում, Կրակեմ Հրաչի որդուն, որը նույնպես դատավոր է, Չոռնի Գագոյի խնամուն, որը կրկին դատավոր է և այսպես կարելի է թվարկել մի քանի հարյուրի, քանի որ դատավոր են նշանակվել միայն Քոչարյանի և Սարգսյանի մտերիմների հարազատները: Բացառությունները 10 տոկոսից չեն անցել:
Պատկերացնում եք, եթե Հայաստանի դատարանը կազմված լիներ երդվյալ ատենակալներից, ինչպես էր Ալումյանը գտնելու 12 հոգի, որոնք բացասական վերաբերմունք չունենային Քոչարյանի նկատմամբ: Իհարկե, հասարակությունն իրավունք կունենար ակնկալել, որ 12 հոգին չեն լինելու մարդիկ, որոնք դատարանի առջև, պիցցայի դիմաց վանկարկում են՝ «Քոչարյան հերոս»: Ստիպված էինք լինելու հարևան երկրներից անկողմնակալ ատենակալներ հրավիրել:
Բայց Ալումյանը թող չհուսահատվի, ինքն էլ անցյալ տարի մինչև Քոչարյանի փաստաբանը դառնալն ընդգծված հակակրանք ուներ նրա նկատմամբ: