Հինգշաբթի 05.08.2021 11:16

12.06.2021   12:00
399

Ռոբերտ Քոչարյանի երազը


Գործերը լավ չեն: Ընտրություններում պարտվել է, ընտրություններից հետո սկսված պատերազմում էլ է պարտվել ու հիմա գերիների փոխանակման համաձայնագրով նոր իշխանությունները որոշում են նրան Ստեփանակերտ վերադարձնել:

Ինքը բողոքարկում է որոշումը, և հիմա դատական նիստ պետք է լինի: Քանի որ ընտրություններում ահագին տակ է տվել, ջեբի փողը քիչ է, ստիպված է ընդամենը յոթ փաստաբան վարձել: 

Նիստը սկսվում է: Փաստաբաններից Հայկ Ալումյանը դատավոր Գագիկ Ջհանգիրյանին ԺԵԿ-ի տեղեկանք է ներկայացնում, որ պաշտպանյալը վերջին 20 տարում ընդհանրապես չի բնակվել Ղարաբաղում և վերջին 10 տարում էլ ընդհանրապես չի եղել Ստեփանակերտում: Անձնագրային բաժնից էլ փաստաթուղթ է ներկայացնում, որ 1998 թվականին Վազգեն Սարգսյանի իրականացրած հեղաշրջումից հետո պաշտպանյալի բոլոր ազգականները ստիպված են եղել արտագաղթել Հայաստան: «Հետևաբար, իմ պաշտպանյալին Ղարաբաղ ուղարկելու որոշումը անհիմն է: Մարդը ո՛չ ապրել է այնտեղ, ո՛չ եղել, ո՛չ էլ բարեկամ ունի: Այսինքն, նա որևէ կապ չունի Ղարաբաղի հետ: Այստեղ է կրթություն ստացել, այստեղ է հայերեն սովորել»:

Մեղադրանքը պաշտպանող դատախազ Արթուր Դավթյանը խոսք է վերցնում. «Առարկում եմ, հարգելի դատավոր: Ո՞նց թե մեղադրյալը Ղարաբաղի հետ կապ չունի: Ահավասիկ, ձեզ եմ ներկայացնում նրա ինքնակենսագրականի 27-րդ հատորը, որի 713-րդ էջում գրել է, մեջբերում եմ. «Ես գիշերը Ստեփանակերտի իմ տնից դուրս եկա, թաքուն բարձրացա Շուշի, ադրբեջանցիներին ասացի, որ սաղդ շրջապատված եք, կամ հանձվեք, կամ փախեք: Թուրքերը փախան, ու այդպես մենակով գրավեցի Շուշին»: Բա ո՞նց է գրավել Շուշին, եթե այնտեղ չի եղել»:

Ինքը տեղից վեր է թռնում ու ասում. «Սուտ ա, տենց բան չի եղել: Էդ Արմենչիկն ա գրել, ես էլ առանց նայելու տպել եմ տվել: Որ ուզում եք իմանաք, Շուշին էն Լևոնն ա գրավել: Թաքուն գրավեց, հետո գցեց իմ վրա: Ես ի՞նչ կապ ունեմ դրա հետ: Շառ են, արա»:

Փաստաբաններից Արամ Օրբելյանը միջնորդում է որպես վկա հրավիրել Սամվել Բաբայանին: Վերջինս մոտենում է, փաստաբանը հարցնում է. «Վկա Բաբայան, ո՞վ է գրավել Շուշին»: Սյամոն կարմրում է, գլուխը կախում: «Վկա, հանգիստ պատասխանեք, մի՛ վախեցեք, ձեզ ոչ ոք Ղարաբաղ չի ուղարկի»,- կոչ է անում դատավորը:

«Լևոնը»,- մի կերպ արտաբերում է Սյամոն: «Ըհը, տեսա՞ք,- ուրախացած ասում է ինքը,- որ ասում էի, չէիք հավատում: Սաղ Լևոնն ա արել: Էս սաղ իրա ղալաթներն են: Որ ուզում եք իմանաք, հենց ինքն ա Ղարաբաղին բանակցությունների մեջ մտցրել: Ես հանում էի, ինքը մտցնում էր, ես հանում էի, ինքը մտցնում էր: Հիմա ո՞վ ա ղարաբաղցին, ե՞ս, թե՞ ինքը»: 

«Հարգելի դատավոր»,- ասում է Հայկ Ալումյանը: - Քանի որ բոլոր փաստերը առկա են, որ իմ պաշտպանյալը Արցախի հետ կապ չունի, առավել ևս՝ Շուշիի ազատագրման հետ, ես միջնորդում եմ, որ նրա փոխարեն Լևոնին ուղարկեն Ղարաբաղ: Հերիք չէ, որ ինքն է գրավել Շուշին, Ղարաբաղն էլ զոռով խցկել բանակցությունների մեջ, մի հատ էլ տեղեկանք եմ ներկայացնում առ այն, որ նա 7 տարում ավելի քան 1 մլրդ դոլարի զենք է ուղարկել Արցախ: Մինչդեռ իմ պաշտպանյալը 10 տարում ընդամենը 121 մլն դոլարի զենք է գնել, էն էլ մեծ մասը՝ 80-ականների, կիսաժանգոտած, դեպք է եղել, որ տավարի մսի փոխարեն գոմեշի միս ա սղղացրել բանակին: Որտե՞ղ եք նման Արցախցի տեսել: Հիմա այսքանից հետո դուք ի՞նչ երեսով եք ուզում իմ պաշտպանյալին Արցախ ուղարկել, երբ իրական մեղավորը մինչև հիմա անպատիժ ասուլիսներ է տալիս»:

Դատավորը մտնում է խորհրդակցական սենյակ, մի ժամ հետո դուրս գալիս և հայտնում. «Դատական նիստը հետաձգվում է: Հաջորդ նիստը կկայանա Ստեփանակերտում»: Ինքն ուշագնաց է լինում:

Արթնանում է Մետաքսի կոմբինատում:
 



 Պիտակներ

         Հայկ Ալումյան, Գագիկ Ջհանգիրյան, Արամ Օրբելյան, Լևոն Տեր-Պետրոսյան, Արթուր Դավթյան, Սամվել Բաբայան, Ռոբերտ Քոչարյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 7091