07.02.2021   20:00
422

Քոչարյանն էլ էր սկսել իր կետից


Ստիպված ենք դարձյալ վերադառնալ 1998թ.: 

Հակադրվելով ՀՀ առաջին նախագահին, Արցախի խնդրի լուծման ցայսօր միակ հայանպաստ ծրագրին՝ Ռ. Քոչարյանը սկսեց իր կետից: Ոչ մի թիզ հող չտալու գաղափարը դրոշ դարձրած՝ վերցրին իշխանությունը և 20 տարի ոչինչ չարեցին հանուն Հայաստանի և Արցախի: Օգտագործելով բոլոր հնարավոր միջոցները՝ բամբասանք, լրատվամիջոցներ, մտավորականության «ազգային» շերտ, գրպանային և ավանդական կուսակցություններ, Արցախյան առաջին պատերազմի հաղթանակը սեփականաշնոհեցին և ... այո՛, սեփականաշնորհեցին նաև շատ ու շատ անշարժ ու շարժական գույք Հայաստանում և Արցախում: 

Ռ. Քոչարյանն իշխանությունը զավթեց իբր հաղթողական լուծում բերելու խոստումով, բայց բանակցությունները շարունակեց՝ առևտրի առարկա դարձնելով արդեն Հայաստանի տարածքը: Մեղրիի տարբերակը, հուսով ենք, չեք մոռացել: Իրականում որդեգրել էին բանակցությունները ձգձգելու քաղաքականությունը, որովհետև շատ լավ հասկանում էին, որ դա է իշխանությունը պահելու հիմնական գրավականը: Բայց եկեք ենթադրենք, որ Ռոբերտ Քոչարյանն անկեղծ էր և իսկապես ուզում էր իրականացնել հաղթողական, ոչմիթիզական ծրագիր: Ենթադրենք անկեղծ էր, երբ իր արտգործնախարար Վ. Օսկանյանի բերանով հայտարարում էր, որ Հայաստանը 100 տարի էլ կզարգանա շրջափակման պայմաններում: Ուրեմն ի՞նչ պետք է աներ առաջին հերթին.

1. Պետք է ամրացներ սահմանները.
2. Պետք է հզորացներ բանակը.
3. Պետք է բնակեցներ ազատագրված տարածքները.
4. Պետք է կանխեր արտագաղթը Արցախից:

Ինչպե՞ս, կհարցնեք դուք: Մենք էլ ենք ուզում նույն հարցը տալ: Չէ՞ որ այս խնդիրները լուծելու համար միջոցներ էին պետք, իսկ Հայաստանը ո՛չ նավթ ունի, ո՛չ գազ, ո՛չ էլ նորմալ տնտեսություն: Քոչարյանական քարոզչությունը, իհարկե, մինչ օրս գովազդում է 2000-ականների տնտեսական «հրաշքը», որը, սակայն, որևէ կապ չունի իրականության հետ: Որովհետև

1. Հայաստանն իրականում ոչ թե զարգանում էր, այլ ուշքի էր գալիս երկրատև հյուծող պատերազմից հետո: Արդեն 94-95 թվականներին էր սկսվել տնտեսության վերականգնումը, լույսի և գազի խնդիրը լուծվում էր, մարդիկ սկսել էին մի քիչ ավելի լավ ապրել, քան պատերազմի ժամանակ: Սակայն տնտեսության լիարժեք վերելքի մասին խոսելը ծիծաղելի է, քանի որ ռեսուրսները խիստ սահմանափակ էին, իսկ կոռուպցիան՝ անսահմանափակ:

2. Հենց Քոչարյանն իրականացրեց «գույք պարտքի դիմաց» ամոթալի ծրագիրը: Մի՞թե տնտեսապես կայուն երկիրը կարող էր այսպիսի խայտառակություն թույլ տալ...

Իսկ բանա՞կը, չէ՞ որ այն ամենամարտունակն էր տարածաշրջանում: Պատասխանենք:

1. Դեռևս 2016-ի ապրիլին «պարզեցինք», թե ինչ վիճակում են մեր սահմանները, իսկ 2020-ի պատերազմն ապացուցեց, որ Հայաստանի և Արցախի իշխանությունները չեն մտածել անգամ խրամատների մասին: Չեն մտածել, թեև անդադար հոխորտացել են, թե ոչ մի թիզ հող չեն հանձնելու: 

2. Ցանկացած ծնող, որ բանակում որդի է ունեցել, շատ լավ գիտի, թե ինչպես էր ապահովում նրա հագուստը, հիգիենայի պարագաները, ուտելիքը: Կաշառքների մասին չենք խոսում: Այսինքն՝ մեր զինվորների համար քիչ թե շատ տանելի պայմաններ հաճախ ապահովում էին նրանց ծնողները: Պետությունն այս ծախսերից գրեթե ազատված էր: Զենքը քիչ էր, ժամանակակից չէր: Մարտունակ էինք միայն այդ երեխաների ոգու հաշվին...

Եվ վերջապես, քոչարյանական իշխանության տարիներին Արցախից հեռանում էին արցախցիները, չէին բնակեցվում ազատագրված տարածքները:

Եթե պահելու էիք հողը, այդ հողում ապրելու նորմալ պայմաններ ինչո՞ւ չէիք ստեղծում: 

Այս հարցերի պատասխանները քոչարյանականներից չենք ստանալու. նրանք շարունակելու են նույն ստերն ասել միայն մեկ նպատակով՝ նորից իշխանության գալու: Ի դեպ, Ռ. Քոչարյանի քարոզչությանն իր անգնահատելի նպաստն է բերում ներկա իշխանությունը: Սա էլ չմոռանանք...

Զարուհի Գաբրիելյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Ռոբերտ Քոչարյան, Զարուհի Գաբրիելյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1397































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь