Չորեքշաբթի 03.03.2021 02:36

Սատիրիկոն/Լուր-մեկնաբանություն
02.03.2021 / 21:00
Քաղաքական
02.03.2021 / 20:00
Սատիրիկոն/Լուր-մեկնաբանություն
02.03.2021 / 19:00
Սատիրիկոն/Լուր-մեկնաբանություն
02.03.2021 / 17:00
Սատիրիկոն/Լուր-մեկնաբանություն
02.03.2021 / 15:15
Սատիրիկոն/Լուր-մեկնաբանություն
02.03.2021 / 13:30
20.01.2021   21:00
914

Սա փոխանցեք Միքայել Մինասյանին


Վատիկանում ՀՀ նախկին դեսպան Միքայել Մինասյանն իր թելեգրամյան ալիքում գրել է, որ Իտալիան Ադրբեջանին հրավիրել է «Մեծ քսանյակ»-ի (G20) գագաթնաժողովին.

«Իտալիան, որը G20-ում իր նախագահության ընթացքում ինքն է ընտրում ու գագաթնաժողովին հրավիրում իր համար կարևոր պետություններին: Իտալիան, որը ժամանակին Հայաստանի համար ամենաբարեկամական երկրներից էր, որը միշտ Հայաստանի կողքին էր թե՛ տխրության, թե՛ ուրախության պահերին: Իտալիան, որը Հայաստանին առնչվող հարցերում ուներ առնվազն հավասարակշռված մոտեցումներ:

Արյան մեջ թաթախված Ադրբեջանին գագաթնաժողովին հրավիրելով՝ Իտալիան նույնիսկ հարկ չի համարել ապահովել հավասարության սկզբունքը՝ գագաթնաժողովին հրավիրելով նաև Հայաստանին: Նիկոլը, ԱԳՆ-ն, պաշտոնական գործիչները և, առհասարակ, հանրությունը ձևացնում են, որ ոչ մի սարսափելի բան տեղի չի ունեցել: Մենք կորցնում ենք արժանապատվությունը, մեզ վրա ոտք են մաքրում»:

Սա Միքայել Մինասյանն է գրել:

Այն, որ Իտալիան Ադրբեջանին G20 է հրավիրել, լավ չի: Այդ պահով Միքայել Մինասյանի մտահոգությունը լիովին կիսում ենք: 

Բայց որ Հայաստանին չհրավիրելը, բալանս չպահպանելը Միքայել Մինասյանը բացառապես այս իշխանությունների ձախողումն է համարում՝ դա որակելով համարյա դավաճանություն, այստեղ արդեն լիքը հարցեր են առաջանում:

Մենք չգիտենք՝ արդյոք Միքայել Մինասյանը կարդում է մեր նյութերը, ծանոթ է մեր հրապարակումներին, բայց բոլոր դեպքերում, իրեն մի հարց տանք. իսկ ինչո՞ւ պիտի Հայաստանին հրավիրեին G20-ի գագաթնաժողով: Որպես ի՞նչ հրավիրեին: Միայն նրա համար, որ Ադրբեջանին էլ են հրավիրե՞լ: Ադրբեջանին ուրիշ այլ տեղեր էլ են հրավիրում, մեզ՝ ոչ: Ու արդեն ավելի քան 20 տարի այդպես է:

Միքայել Մինասյանը գիտի՞, թե 1990-ականներին Հայաստանը քանի տարածաշրջանային և միջազգային տնտեսական ծրագրերում էր ներգրավված: Սկսած՝ ՏՐԱՍԵԿԱ-ից: Կային ժամանակներ, երբ վարչապետ Արմեն Դարբինյանը Բաքու էր գնում՝ այդ ծրագրերի հետ կապված համաժողովին մասնակցելու համար: Բայց կարճ ժամանակ անց Հայաստանը դուրս մղվեց բոլոր այդ ծրագրերից: Նիկո՞լն էր դրա համար մեղավոր: Ոչ՝ էս երկու օրը իրեն հերոս համարող Ռոբերտ Քոչարյանը

Էն ո՞վ էր ասում. «Հայաստանը փակ սահմաններով 100 տարի էլ կզարգանա»: Նիկո՞լը: Ոչ: Քոչարյանական արտգործնախարար Վարդան Օսկանյանը: Հիմա որ փակ սահմաններով զարգանալու քաղաքականություն է տարվել, մեզ ինչ-որ տեղ հրավիրելու իմաստը ո՞րն էր: Ադրբեջանին հրավիրում էին, մեզ էլ ասում՝ ախպեր ջան, դե, դուք էլ գնացեք ձեր փակ սահմաններով զարգացեք: 

Էն ո՞վ էր ասում. «Հայաստանը երեք ճակատ ունի»: Նիկո՞լը: Ոչ, Վահան Հովհաննիսյանը: Բա մի երկրի, որը իր հարևաններից երեքին թշնամի էր համարում, հրավիրեին, որ ի՞նչ անեին: 

Լավ, սա դեռ մի կողմ. Միքայել Մինասյանը գիտի՞, թե Սերժ Սարգսյանն իր պաշտոնավարման 10 տարիների ընթացքում քանի անգամ է մասնակցել Դավոսի Համաշխարհային տնտեսական ամենամյա համաժողովին: Մենք գիտենք. 1 (մեկ) անգամ՝ 2009 թվականին: Դրանից հետո Հայաստանն այլևս Դավոսի համաժողովներին չի մասնակցել: Իսկ դա այն համաժողովն է, որին ներկա են լինում համաշխարհային տնտեսական էլիտան, աշխարհի խոշորագույն տնտեսական կորպորացիաների, ընկերությունների ղեկավարները, ամենահայտնի տնտեսագետները, խոշոր երկրների ղեկավարները: Դա մի համաժողով է, որտեղ քննարկվում են համաշխարհային գլոբալ հիմնախնդիրներ, ներկայացվում են տասնյակ միլիարդավոր դոլարների տնտեսական ծրագրեր, ձեռք են բերվում բազմամիլիարդանոց համաձայնագրեր, կնքվում պայանագրեր: Դա տարվա խոշորագույն տնտեսական իրադարձությունն է, ու Հայաստանը դրանից հեռու է մնացել:

Միքայել Մինասյանը կարո՞ղ է բացատրել, թե ինչու է այդպես եղել: Ինչո՞ւ Սերժ Սարգսյանը չի մասնակցել Դավոս համաժողովներին, իսկ ահա Իլհամ Ալիևը գրեթե բաց չի թողել և ոչ մի համաժողով: Կարևոր հարթակ է, բաց չի թողնում: 

Իսկ Սերժ Սարգսյանը չի մասնակցել: Թեպետ Դավոսի համաժողովի ձևաչափը թույլ է տալիս մասնակցել: Բայց սրա համար ոչ ոք Սերժ Սարգսյանին երբևիցե դավաճան չի համարել: Դե թող Միքայել Մինասյանն ասի, որ Սերժ Սարգսյանը չէր գնում Դավոս, որովհետև՝ գնար, ի՞նչ աներ, կամ ի՞նչ ասեր, կամ ո՞վ պիտի նրան բանի տեղ դներ: Հայաստանը կատարյալ քաղաքական և տնտեսական մեկուսացման քաղաքականություն էր իրականացնում, համաժողովն ո՞ւմ շունն էր:

Սա դեռ մենք միայն Դավոսի համաժողովից ենք խոսում: Եթե ցանկը շարունակենք, դիսերտացիա կստացվի: 
Ու այն, որ Իտալիան G-20-ին Ադրբեջանին հրավիրում է, իսկ Հայաստանին՝ ոչ, դրա հիմքերը 1998-ին են դրվել, Նիկոլը չլիներ, թեկուզ Միքայել Մինասյանը լիներ, նույն բանն էր լինելու: Մենք 20 տարի մեզ աշխարհից դուրս ենք դրել, հիմա եկել՝ թե բա Նիկոլի հերթական ձախողումն էր: Դե բարև ձեզ: Նիկոլի ձախողումների տեղը մենք էլ գիտենք, դուք ձերը մի մոռացեք:

Հ.Գ. Ի դեպ, Նիկոլ Փաշինյանը 2019-ին մասնակցել է Դավոսի համաժողովին:



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Ռոբերտ Քոչարյան, Վահան Հովհաննիսյան, Վարդան Օսկանյան, Միքայել Մինասյան, Սերժ Սարգսյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Ստոպ-կադր
Ստոպ-կադր
01.03.2021 / 482