Լրագրող Նարինե Կիրակոսյանը լուսանկար է հրապարակել և գրել. «2805 տարեկան Երևանիցս բան չեն թողել։ Տեսեք, թե Հաղթանակի զբոսայգին ինչ քաչալ է դարձել և շուրջ բոլորը բետոնե անճոռնի շենքերը, փոշին է պատել ամբողջ մայրաքաղաքը։
Եվ սրա հեղինակը 2018 թվականին իշխանության եկած տականքներն են։
Եկան խաբելով, թե պետք է ծաղկեցնեն երկիրը, իրականում ավերեցին շուրջ բոլորն իրենց ծակ ու անկուշտ գրպանները լցնելու համար»:
«ՉԻ». Լավ, լավ, մի չափազանցրեք: Այնքան էլ քաչալ չի, հենա, մի հատ քիփիլիկ ծառ է երևում: Ամեն ինչ այնքան վատ չէ:
Եվ հետո, Հաղթանակի զբոսայգին արժանի է ծառեր ունենալ, երբ հաղթանակներ են լինում: Իսկ հիմա միայն պարտություններ են, հետևաբար պետք է կոչվի Պարտության զբոսայգի: Իսկ Պարտության զբոսայգում ծառերն ի՞նչ անեն:
Պարտություն նշանակում է կորուստ, հետևաբար, այս զբոսայգին խորհրդանշում է ծառերի կորուստը:
Համ էլ էսօր Սամվել Մայրապետյանի կնոջ դեմ քրեական գործ են հարուցել: Կոռուպցիա է, ինչ է, ասում են, դրանով է զբաղվել: Հաղթանակի զբոսայգու ժամանակը չի: