Չորեքշաբթի 08.07.2020 02:11

Լուր-մեկնաբանություն
07.07.2020 / 22:00
Քաղաքական
07.07.2020 / 21:00
Լուր-մեկնաբանություն
07.07.2020 / 20:30
Քաղաքական
07.07.2020 / 20:00
Հարցազրույց
07.07.2020 / 19:00
Լուր-մեկնաբանություն
07.07.2020 / 17:30
27.06.2020   19:00
1170

Հետնամասի ֆասադները


Զայչիկ-պոնչիկ-մակառոնչիկ, զայչիկ-պոնչիկ-մակառոնչիկ… Դիցուք` սրմաքեշ-չեմբարջի-մայրապետյան, կամ` ռոբ-արմենչիկ-սիսեռյան, կամ…կամ այլ համադրություն-հակադրություն-տարադրություն… Կա՞ տարբերություն: ՈՉ:

Եվ, արդ, ինչու է սիսեռյանը սույն թաքցնում անունը ներդրողի: Գուցե կարծում է` կվազենք դուռը ներդրողի և կսկենք մատաղի փող խնդրել, կամ սրբապատկեր վաճառել նրան: Իսկ գուցե չգիտե սիսեռյանը սույն, որ Հայաստանին իր գումար-գույք-կայքով ինքնազոհաբերվողների անունը թաքցնելը ոչ միայն պարկեշտ չէ` բա չիմանա՞նք մի բուռ ազգիս հերթական հպարտ բարերարի անունը, այլև օրենքով է արգելված` կոչվում է տեղեկություն չտրամադրել, և այն, ինչ ինքն է անում է` ենթակա է պատժի: Գիտե, գիտե սիսեռյանը: Տեսե՞ք` ասում է` կասեմ: Չի ասում` չեմ ասի:

Զայչիկ-պոնչիկ-մակառոնչիկ, զայչիկ-պոնչիկ-մակառոնչիկ` Երևանում այս խաղը հորով-մորով չարած, սիսեռյանի շեֆ, Նիկոլի փոխվարչապետ ավինյանն արդեն Գյումրին է գրոհում քաղաքաշինիչ ներդրումների անբեկանելի փաթեթով ու հիմա էլ այնտեղ վրդովվում, թե ինչու են իր փաթեթի օրենսդրական-ճարտարապետական-քաղաքաշինական ամենաանկյունաքարային բաղադրիչները սարսափելի վատ ընդունում գյումրեցիք:

Եղել է այնպես, որ նախքան Գյումրի գնալը, ավինյանն արդեն հարված է ստացել Ֆիրդուսի թաղամասում` Երևան: Գյումրիում դա գիտեն: Ավինյանը, մի շարք պատճառներով, նաև` որ պիտի Գյումրի գնար` «պուպուշացավ» և Ֆիրդուսի թաղամասի պաշտպաններին ասաց.  հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանել իրենց տեղերում, վերարժևորել շենքերի հետնամասի ֆասադները և տվյալ տարածքների համար ստեղծել նոր, համահունչ զբոսաշրջային միջավայր՝ 2-4 հարկանի պատմական շենքերով, փայտե պատշգամբներով և հուշարձան շենքերի միջև 200մ հետիոտնային ճանապարհով: 

Հրաշք է, չէ՞: Մեզ էլ ինչ է հարկավոր: Բայց ախր ինչից է, որ ես հանկարծ սիսեռյանին ու իրեն` ավինյանին ու մեշչյանին ու քաղաքապետ հայկին եմ հիշում… ու ցատկում է հիշողությունս դեպի սերժ ու ռոբ ու Հյուսիսային պողոտա և քաղաքացու թափված արյուն: Ի՞նչ կապ կա:

Ահա կապը. Ֆիրդուսի թաղամասում ընթացող ԲՈԼՈՐ աշխատանքներն ապօրինի են. վարչական դատարանում գործի քննությունը շարունակվում է, նախագիծ չկա, ՇՄԱԳ չկա, փաստաթղթերը հրապարակված չեն և հավանաբար թերի են։ Այսինքն` հետհեղափոխական Հայաստանում հեղափոխական կառավարության և իմ` քաղաքացուս անունից ներկայացող բարձր պաշտոնյաները ԱՊՕՐԻՆԱԲԱՐ առաջ են տանում մի նախագիծ, որի միայն էսքիզի տեղադրումը սոցցանցում բավարար էր օդում հրավառության պես տարածված ի-գ-դ-ի-ր ու ա-շ-ո-ծ-յ-ա-ն բացականչությունների արձագանք ապահովելու համար: Ի դեպ, այդ էսքիզում, որ Հյուսիսային պողոտա բետոնե այլանդակության այլակերպ ածանցյալն է ընդամենը, ոչ մի միլիմետր ու թիզ չկա հուշարձան-ֆասադ-հետնամասի ֆասադ «պուպուշ» մտքերից:

…Նախատեսվող սրճարաններից և հուշանվերների խանութներից բացի ներկայումս կառուցապատողների հետ քննարկում ենք պատմական միջավայրի տարածքում՝ 2-րդ և 3-րդ հարկերում, ստեղծել մշակութային հայտնի գործիչների թանգարաններ - սա դարձյալ ավինյանն է ասել, ու դարձյալ էն էսքիզին նայում ես ու չես հասկանում` ՈՉ ՄԻ ԿԱՊ: Ինչպե՞ս: Մինչդեռ` ահա պատասխանը. Հյուսիսային արյունահոս պողոտայով անցած, այն կառուցած ու իրացրած մարդիկ են այս նախագծի «նայողները» ու նախագծողները։ Եվ այդ նախագծում ՉԿԱ ոչ մի շտրիխ և ուրվագիծ անգամ էն «պուպուշ» բաներից, որ ավինյանը հանկարծ հրապարակեց:

Զայչիկ-պոնչիկ-մակառոնչիկ - խաղ է - և ընտրությունը մեկն է` «բլդուղ»:

Եվ ինչպես ավինյանի կիրառած հետնամասի ֆասադ եզրն է քաղաքացուս անհետնամաս ու անֆասադ թվում, այնպես էլ ես չեմ վստահում նրա որևէ մանիպուլյացիային և չեմ վստահում օրենքը շրջանցելով գործելու նրա համառությանը: Եվ շատ ափսոսում եմ երիտասարդ այս հեղափոխականի այսպես փութկոտ փչանալու համար: Չնայած` իր գործն է: Բայց, քավ լիցի, թող իմ անունից ու ձեր անունից չփչանա: Ի՞նչ կասես, Նիկոլ: 

Հակոբ Գրիգորյան      

«Չորրորդ իշխանություն», թիվ 15, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Հակոբ Գրիգորյան, Տիգրան Ավինյան, Վարագ Սիսեռյան, քաղաքաշինություն


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին կոշկակարը




































Ստոպ-կադր
Ստոպ-կադր
04.07.2020 / 472