Երկուշաբթի 26.10.2020 02:13

Ձեռագրերը չեն այրվում
25.10.2020 / 21:00
Քաղաքական
25.10.2020 / 20:00
Հարցազրույց
25.10.2020 / 19:00
Խմբագրի ընտրանին
25.10.2020 / 12:00
Սատիրիկոն/Երազահան
25.10.2020 / 11:00
Սատիրիկոն/Լուր-մեկնաբանություն
25.10.2020 / 10:00
11.10.2020   19:00
589

ԱՀԾ


Ռուսաստանի Արտաքին հետախուզական ծառայության տնօրեն Սերգեյ Նարիշկինն անցնող շաբաթ ելավ ասպարեզ և հայտարարեց, թե. «Ղարաբաղում Թուրքիայի բացահայտ մասնակցությունը Ադրբեջանի կողմից արտաքին գործոնների էապես նոր ազդեցություն է: Լեռնային Ղարաբաղում շփման գծում բախումներ նախկինում ևս եղել են: Իրավիճակի ներկա սրացումը հատուկ անհանգստություն է առաջացնում ոչ միայն իր ծավալով, այլև արտաքին գործոնների հիմնովին նոր ազդեցությամբ: Թուրքիան առաջին անգամ այդքան բացահայտ ու միանշանակ անցավ Ադրբեջանի կողմը»: Եվ որ …«ԱՀԾ տեղեկատվության համաձայն, հակամարտության գոտի ակտիվորեն մեկնում են Մերձավոր Արեւելքում գործող ահաբեկչական կազմակերպությունների վարձկաններ: Նրանք ներկայացնում են «Ջեբհատ ան-Նուսրան», «Ֆիրքատ ալ-Ամզա», «Սուլթան Մուրադ» խմբավորումները: Խոսքը հարյուրավոր և նույնիսկ հազարավոր արմատականների մասին է, որոնք հույս ունեն գումար աշխատել նոր պատերազմում»:

Նարիշկինը նաև ուղղակիորեն թիրախավորել էր Սիրիայի տարածքում այդ խմբավորումների մարզա-ռազմա-կայանների վերացման անհրաժեշտությունը և նշել, որ ՌԴ տիեզերա-օդային զորքերը արդեն իսկ ունեն դրանց տվյալները և հարվածելու են:

Որևէ երկրի որևէ բարձրաստիճան պաշտոնյայի որևէ հայտարարությունը, ըստ էության զարմանալի բան չէ: Մանավանդ երբ փոքր և վերահսկելի թվացող ու ձգձգված կոնֆլիկտը վերաճում է համաշխարհային լուրջ պատերազմի դետոնատորի և այդ պատերազմի կանխման բոլոր լուրջ ընդդիմախոսները սկսում են ինչ-որ բան անել, ծամծմել ու լռել:

Բայց որ Արտաքին հետախուզական ծառայության տնօրենը ելներ հրապարակ… այսինքն՝ հրապարակվեր, բացահայտվեր, երևար ու հայտարարություն աներ…

Ես միանգամայն վստահ եմ, որ մենք այս պատերազմում և Արցախի համար այս կռվում հաղթելու ենք: Ես գտնում եմ, որ այս մարդու այսպես գաղտնազերծվելը մի բան նշանակում էր, ինչը ունեցավ որոշակի և հստակ ազդեցություն: Ուստի գտնում եմ, անհրաժեշտ է գոնե սեղմ կերպով հասկանալ ով է նա.

  • Սերգեյ Նարիշկինը ծնվել է Լենինգրադում, 1954-ին: 65 տարեկան է, և ի դեպ ոչ մի իդիոտ նրան թոշակի չի ուղարկում, քանի որ առկա է օրենքի պահանջ: Այո, հասկանում եմ, հավանական է` Ռուսաստանում այդպիսի օրենք էլ չկա: Առավել ևս: Չկա, քանի որ գոնե այս հարցում իդիոտ չեն: Սա` ի դեպ:
  • Ուսանել է Բալթյան պետական տեխնիկական համալսարանում, այնուհետև ՌԴ անվտանգության ծառայության ակադեմիայում:
  • Տնտեսագիտության դոկտոր է, քաղաքական գործիչ, տնտեսագետ և գործարար:
  • Համաձայն ոչ պաշտոնական տեղեկությունների, 1978-1982 թթ. պատրաստություն է անցել ՊԱԿ 101-րդ առաջին գլխավոր վարչության դպրոցում (այժմ՝ Ներքին հետախուզության ակադեմիա), որտեղ և ծանոթացել է Վլադիմիր Պուտինի հետ։ 1990-ական թվականների սկզբին տնտեսական զարգացման կոմիտեի, ավելի ուշ` Սանկտ Պետերբուրգի քաղաքապետարանի տնտեսական և ֆինանսական կոմիտեի բաժնի պետն էր: 1995 թվականից «Արդյունաբերաշինարարական բանկի» (Սանկտ Պետերբուրգ) արտաքին ներդրումների՝ ԲԲԸ բաժնի ղեկավարն է եղել: 2004-ին դարձել է Ռուսաստանի նախագահի աշխատակազմի տնտեսական հարցերով ղեկավարի տեղակալ: 2004թ. մարտին եղել է Ռուսաստանի Դաշնության կառավարության աշխատակազմի ղեկավարի տեղակալ: 2004-ի սեպտեմբերից ՌԴ կառավարության աշխատակազմի ղեկավարի տեղակալն էր, ՌԴ նախարար: 2007թ. փետրվարին դարձել է Ռուսաստանի Դաշնության կառավարության ղեկավարի տեղակալ, այդ թվականի սեպտեմբերից՝ ՌԴ կառավարության աշխատակազմի ղեկավար(12), «Միավորված նավաշինական կորպորացիայի» տնօրենների խորհրդի նախագահ:
  • 2008թ. մայիսից 2011-ի դեկտեմբերի 20-ը եղել է ՌԴ նախագահի աշխատակազմի ղեկավար։ Նրա մասին, այս շրջանում «Financial Times» ամսագրի լրագրող Չարլզ Քլովերը գրել է. «ըստ տարածված կարծիքի», նա ստացել էր այս պաշտոնը «Մեդվեդևին հսկելու համար»:
  • 2011թ. դեկտեմբերի 4-ին ընտրվել է Պետական դումայի պատգամավոր, դեկտեմբերի 15-ին ստացել է մանդատ և գրանցվել որպես պատգամավոր: Դեկտեմբերի 21-ին ընտրվել է Պետդումայի նախագահ։
  • 2016թ. սեպտեմբերի 22-ին Ռուսաստանի նախագահ Վ. Պուտինի հրամանով Նարիշկինը նշանակվել է Ռուսաստանի Դաշնության ներքին հետախուզության ծառայության տնօրեն: 47 (!) գիտական աշխատանքի հեղինակ է:

Ըստ իս` առանձնապես լավ չէ, որ կիսագաղտնի այս անձը որոշակի ուղերձով հրապարակ է ելնում: Ուղերձը, այո, մասնագիտական է, ավելին` հակաահաբեկչական: Բայց սա ռուսական ոճ է, ԱՄՆ ոճ է. հավակնոտ մեծերի ոճ է, և իրենց գործն է: Ըստ իս` լավ է, որ ելնում է հրապարակ ուղերձով, որովհետև լուրջ են դառնում մեր փաստարկներն առ այն, որ հաղթականորեն ավարտվում ու վախճանի են գալիս ռուս-թուրքական պարերն ու ռեվերանսները: Գալիս է կամ-կամի ժամանակը, և Նարիշկինի տեքստը հենց այդ մասին է: Եվ այն մասին է, որ Ռուսաստանի կենսական շահերն են վտանգված, և այդ շահերը հասցեական վտանգել են Թուրքիան ու Ադրբեջանը: Եվ հայտարարագրված բարեկամ Թուրքիան ու հին գործընկեր Ադրբեջանը, գոնե ԱՀԾ ղեկավարի մակարդակով սպառնալիք են ՌԴ համար:

Ժամանակը քիչ է. այդ սուղ ժամանակի տիրույթում Ռուսաստանը շատ բան ունի փորձելու և անելու, որպեսզի հեռացնի իրենից ու տարածաշրջանից այս վտանգը: Ոչ պակաս անելիք ունեն Արցախն ու Հայաստանը: Եվ Իրանը: Վտանգավոր և պատվաբեր խաղ… վառոդի հետ:

Հակոբ Գրիգորյան

«Չորրորդ իշխանություն», թիվ 30, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         սեպտեմբերյան պատերազմ, Սերգեյ Նարիշկին, Հակոբ Գրիգորյան, «Չորրորդ իշխանություն»


››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

Մարգո է վատացել
Մարգո է վատացել
04.10.2020 / 6894
























Ժողովրդին ատողը

Բարև, անորակներ
Բարև, անորակներ
01.10.2020 / 1555







Սա՞ էր ձեր թափը
Սա՞ էր ձեր թափը
03.10.2020 / 1429




Էդիկ, դու սուս
Էդիկ, դու սուս
15.10.2020 / 1364









Ոգևորվել են
Ոգևորվել են
22.10.2020 / 1149