Չորեքշաբթի 25.11.2020 08:54

Քաղաքական
24.11.2020 / 21:00
Սատիրիկոն/Լուր-մեկնաբանություն
24.11.2020 / 20:30
Քաղաքական
24.11.2020 / 20:00
Քաղաքական
24.11.2020 / 19:00
Սատիրիկոն/Լուր-մեկնաբանություն
24.11.2020 / 17:00
Քաղաքական
24.11.2020 / 15:00
24.10.2020   09:30
499

«ՉԻ» ռիթմով

 Читать на русском

Պատերազմի «լևելները»

Շուտով լրանում է Արցախյան երկրորդ պատերազմի մի ամիսը: Մի կողմից, սա շատ երկար ժամանակահատված է՝ հաշվի առնելով պատերազմի ինտենսիվությունը, համեմատած 2016-ի Ապրիլյան պատերազմը, մյուս կողմից շատ կարճ ժամանակահատված է, եթե համեմատենք 1990-ականների պատերազմի հետ: Հետևաբար, առայժմ դեռ վաղ է ինչ-որ հետևություններ անել, առավել ևս՝ կանխատեսումներ, թե երբ այն կավարտվի, ինչ ընթացք կստանա:

Մյուս կողմից, այս պատերազմը մի քանի՝ այսպես ասած, «լևել» ունի: Առաջինը՝ այն պատերազմ է Ադրբեջանի և Արցախի միջև: Երկրորդ՝ այն պատերազմ է Ադրբեջանի, Թուրքիայի և Արցախի միջև: Երրորդ՝ Ադրբեջան, Թուրքիա, որին դիմագրավում են Արցախն ու Հայաստանը: 

Բայց վերջին շաբաթվա զարգացումները ցույց են տալիս, որ այս պատերազմում կան նաև առայժմ չերևացող «լևելներ»: Դա Իրան-Թուրքիա, Ռուսաստան-Թուրքիա հարաբերություններն են, որոնք, Արցախյան պատերազմով պայմանավորված, կարող են լուրջ հակասությունների առիթ դառնալ: Համենայնդեպս, թե՛ Ռուսաստանը, թե՛ Իրանը ներկայումս զորավարժություններ են իրականացնում: Ռուսները՝ Կասպից ծովում, Ապշերոնի թերակղզուն բավական մոտ, իսկ Իրանը՝ հենց Արաքսի այն ափին: Ընդ որում, երկուսն էլ հակաօդային պաշտպանության համակարգերն են գործարկում: Սա մասամբ պատասխան է Թուրքիայի կողմից Ադրբեջանի և Նախիջևանի երկինքը լիակատար վերահսկողության տակ վերցնելու քայլին: Մենք հիմնականում անդրադարձել ենք թուրքական օդուժի և ԱԹՍ-ների աշխատանքին Ադրբեջանում, բայց Նախիջևանում էլ դրանք պակաս ակտիվ չեն:

Ռուսաստանի երկընտրանքները

Ռուսական գործոնի մասին այս շաբաթ ավելի շատ սկսեցին խոսել: Նախ, ՌԴ արտգործնախարար Սերգեյ Լավրովը խոստովանեց, որ հրադադարի հասնելու ուղղությամբ իրենց ջանքերն առաժմ արդյունք չեն տվել: Մյուս կողմից՝ ռուսական քաղաքագիտական և փորձագիտական շրջանակները թեպետ զգուշավորությամբ, բայց նշում են, որ այս պատերազմի դադարեցման, կարգավորման, զինադադարի շատ բանալիներ Մոսկվայում են գտնվում: Սակայն կա նաև հայելու մյուս կողմը: Այն, որ Ռուսաստանը նույնպես բարդ վիճակում է: Պատժամիջոցների տակ կքված Ռուսաստանը Թուրքիայի հետ ունի երկարաժամկետ տնտեսական ծրագրեր, գազի «տրուբեն» նոր են քաշել Սև ծովի հատակով մինչև Ստամբուլ, C-400 զենիթա-հրթիռային համալիրների վաճառք են իրականացրել, Սիրիայում համատեղ են վերահսկում իրավիճակը, այսինքն՝ Թուրքիայի հետ հաստատվել է որոշակի հարաբերությունների այնպիսի մակարդակ, որ դրանք ստիպված են հաշվի առնել ու ծանրութեթև անել:

Ադրբեջանա-ռուսական հարաբերությունները նույնպես կարևոր գործոն են: Սակայն, մյուս կողմից էլ, Թուրքիայի ծավալապաշտական քաղաքականությունն արդեն բախում է Ռուսաստանի հարավային դարպասները: Եթե Թուրքիան լիակատար վերահսկողություն սահմանի Ադրբեջանի ոչ միայն ռազմական, այլև քաղաքական դաշտում, ապա Ռուսաստանի համար շատ մեծ գլխացավանք է առաջանալու: Հյուսիսային Կովկասը դառնում է ահաբեկչական կենտրոնների թիրախավորման շրջան: Չեչենական պատերազմի օրինակով կարելի է ասել, թե դա ինչ հետևանքներ կարող է ունենալ Մոսկվայի համար: 

Դավադրապաշտների տեսություններ

Իսկ պատերազմը շարունակվում է: Այն, որ դա երկար է տևելու, հայտարարեցին թե՛ Հայաստանի և թե՛ Արցախի ղեկավարները: Բայց մինչև նրանց հայտարարելը ներքաղաքական դաշտում արտառոց փաստ գրանցվեց. հանդիպեցին Արցախի ու Հայաստանի բոլոր նախկին ղեկավարները: Մեզ թվում է, թե ոչ մեկի մտքով անգամ չէր անցնի, որ Ռոբերտ Քոչարյանը կհանդիպի Լևոն Տեր-Պետրոսյանի հետ և կքննարկվի Արցախի պատերազմում առկա իրավիճակը:

Նիկոլ Փաշինյանի տեսաուղերձը՝ երկարատև պատերազմի պատրաստվելու վերաբերյալ, շատերը համարեցին պատասխան Հայաստանի նախկին ղեկավարների հանդիպմանը և կարմիր գիծ քաշելու պես մի բան: Այսինքն՝ հրադադար չի լինելու, քանի որ դրա դիվանագիտական հիմքերը չկան: 

Մի ընտանեկան լրատվամիջոց էլ գրել էր, որ Հայաստանի նախկին ղեկավարները որոշել են աջակցել Նիկոլ Փաշինյանի գործողություններին և մասնավորապես՝ զինադադարի կնքման որոշմանը: Այսինքն՝ համ այն են ասում, համ էլ՝ սա: Մինչդեռ կարելի է պարզապես արձանագրել, որ Հայաստանի նախկին ղեկավարները իրավիճակից ելնելով, ներքաղաքական դաշտում համախմբման փորձ են անում, գումարած՝ դրսին են ազդակներ հաղորդում: Թե չէ նորից դրել, մեր վերլուծաբաններից ոմանք դավադրապաշտական ինչ-որ տեսություններ են զարգացնում: Մոռանալով, որ Լևոն Տեր-Պետրոսյանը երբեք որևէ իշխանության թիկունքից չի հարվածել, առավել ևս՝ նրանց թիկունքում դավադրություններով չի զբաղվել: 

«Չորրորդ իշխանություն», թիվ 32, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Լևոն Տեր-Պետրոսյան, Նիկոլ Փաշինյան, «ՉԻ» ՌԻԹՄՈՎ, սեպտեմբերյան պատերազմ, «Չորրորդ իշխանություն», Ռոբերտ Քոչարյան, Սերգեյ Լավրով


››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները

Ամենաընթերցված

Բա
Բա
20.11.2020 / 13567







Բա ո՞ւր ես, ապեր
Բա ո՞ւր ես, ապեր
12.11.2020 / 3188







Հիմա էլ սրանք
Հիմա էլ սրանք
04.11.2020 / 2361









Ի՞նչ եք ծխում
Ի՞նչ եք ծխում
24.11.2020 / 1550
















Թամադա Իշխանը
Թամադա Իշխանը
13.11.2020 / 1026








Ձե՛նդ, այ...
Ձե՛նդ, այ...
17.11.2020 / 909

Զոռով հիշեցրին
Զոռով հիշեցրին
02.11.2020 / 909