Չորեքշաբթի 03.03.2021 21:17

Սատիրիկոն/Լուր-մեկնաբանություն
03.03.2021 / 20:45
Սատիրիկոն/Լուր-մեկնաբանություն
03.03.2021 / 20:00
Սատիրիկոն
03.03.2021 / 19:00
Սատիրիկոն/Լուր-մեկնաբանություն
03.03.2021 / 17:30
Քաղաքական
03.03.2021 / 16:30
Սատիրիկոն/Լուր-մեկնաբանություն
03.03.2021 / 15:30
20.02.2021   09:30
409

Սերժի լռությունը ոսկի էր


Համարյա համակրում էինք

Ընդդիմությունը քանի դեռ իր վճռական ու ազգափրկիչ հանրահավաքը չի սկսել, շաբաթվա գլխավոր իրադարձությունը կարելի է համարել Սերժ Սարգսյանի երեք ժամանոց հարցազրույցը:

Ընդհանրապես, պետք է անկեղծորեն ասենք, որ վերջին երկու տարում Սերժ Սարգսյանի հանդեպ որոշակի զսպվածություն, նույնիսկ՝ համակրանք կար: Գերադասում էինք նրան քիչ քննադատել, ինչը պարզ բացատրություն ուներ. ինքը չէր խոսում: Շատ լավ լռում էր: Իր հրաժարականից հետո երկրում հազար ու մի իրադարձություն տեղի ունեցավ, ընտրություններ, ներքաղաքական գզվռտոցներ, իշխանության տարբեր ճյուղերի միջև բացահայտ առճակատումներ, դատավարություններ, ձայն չհանեց: Ու այդ լռությունը միայն նրա օգտին էր, դրա մեջ համբերություն, իմաստնություն, անցյալը վերաիմաստավորելու տարրեր էինք ենթադրում:

Բայց հենց հարցազրույց տվեց, այդ ամենը հօդս ցնդեց: Մեր առջև նույն Սերժ Սարգսյանն էր, որին ճանաչում էինք վերջին 20 տարում: Ներքաղաքական ինտրիգների մեծ վարպետը: Մանիպուլյացիաներ, իրադարձությունները իրեն հարմար կերպով մեկնաբանելու պրոֆեսիոնալիզմ... բայց դրանք բոլորը մի կողմ: Թեկուզ մի ակնարկ, որ իր և Քոչարյանի օրոք ինչ-որ թերացում է ունեցել, սխալներ է թույլ տվել, որ իր ու Քոչարյանի պաշտոնավարման տարիները կորսված ժամանակ էր պետականության համար, գոնե մի բան, որ ցույց տար, որ նա՝ օրինակ, գիտակցել է Արցախի հարցում իր սխալ դիրքորոշումը, նշույլ անգամ չկար: Մենք այստեղ զերծ ենք մնում 44-օրյա պատերազմի տարբեր դրվագների և ընթացքի մասին նրա արտահայտած գնահատականներին, մասնավորապես՝ Լելե-Թեփեի օպերացիային անդրադառնալուց, որովհետև կարող է և ճիշտ է ասում, դա չգիտենք, հուսով ենք, դա հետագայում կպարզվի:  

Ասում է, որ ամեն ինչը ճիշտ է արել, սաղ լավ էր, էդ անտեր հեղափոխությունը փչացրեց ամեն ինչ: Ասում է՝ ես իշխանությունը Նիկոլին չեմ հանձնել, այլ Կարեն Կարապետյանին: Ամենամեծ մանիպուլյացիաներից մեկն էր: Իշխանությունը Կարեն Կարապետյանին հանձնողը դա շուտ կաներ ու դրա համար սահմանադրություն չէր փոխի: Կարեն Կարապետյանը ի՞նչ պիտի աներ այդ իշխանությունը, երբ այն ձեռքից գնացել էր: 

Ձեր կտերը չեն անցնում

Բայց ամենամեծ մանիպուլյացիան Սերժ Սարգսյանի այն հայտարարությունն էր, թե ինքը երբեք ոչմիթիզական չի եղել, այդ դիրքերից հանդես չի եկել, ու որպես վկայություն՝ հիշեցնում է  «Աղդամը մեր հայրենիքը չէ» արտահայտությունը: 20 տարի Ռոբերտ Քոչարյանը, հետո՝ Սերժ Սարգսյանը Հայաստանում խաղաղության և փոխզիջումների մոտեցումները հավասարեցրին դավաճանության, ով խաղաղության ու փոխզիջումների մասին էր խոսում, համարում էին հողատու, դավաճան, հողեր հանձնող: Ի վերջո նա, ով մերժում է ոչմիթիզականությունը, չի գնում դաշինքներ կազմում ոչմիթիզականության ջատագովների հետ, չի քարոզում ոչմիթիզականություն, իր կողմնակիցներին, համախոհներին կոչ է անում զերծ մնալ խաղաղության կողմնակիցներին քարկոծելուց, կրթության ոլորտն էլ չի թողնում ոչմիթիզական դաշնակների տնօրինության տակ:

Ոչ մի նման բան չի եղել: Ճիշտ հակառակը: Բերենք մի օրինակ: Ուրեմն, 2007 թվականին նոյեմբերին Լևոն Տեր-Պետրոսյանը հայտարարեց, որ մասնակցելու է 2008թ. նախագահական ընտրություններին, և Ազատության հրապարակում հրավիրած հանրահավաքում իր ելույթի ժամանակ ասաց հետևյալը. «Հայաստանի նախագահի պաշտոնը ստանձնելու դեպքում ուղիղ երեք տարի հետո պատրաստ եմ ընդմիշտ հեռանալ քաղաքականությունից` ձեզ հնարավորություն տալով լիովին ազատ և օրինական ընտրությունների միջոցով երկրի նոր նախագահ ընտրել»:

Հիշո՞ւմ եք, թե Սերժ Սարգսյանը հաջորդ օրն ինչպես էր արձագանքել Տեր-Պետրոսյանի այս հայտարարությանը: Մեջբերում ենք. «Երևի համարում է, որ երեք տարին բավական է Ղարաբաղը հանձնելու համար»:

Բա ոչմիթիզականությունը մերժողը այսպես կարտահայտվե՞ր: Կլասիկ ոչմիթիզականի արձագանք է: Խաղաղության և փոխզիջումների մասին արտահայտվող Առաջին նախագահին այ այսպես 20 տարի Ղարաբաղ հանձնող եք համարել: Ու հիմա եկել, խաղաղության կողմնակի՞ց եք դարձել: Մենք էլ ամնեզիայով ենք տառապում, ոչ մի բան չենք հիշում: Էդ կտերը մեր դեպքում չեն անցնում:

Բա Գալուստ Սահակյա՞նը: Սերժ Սարգսյանի պասով նա էլ ասել էր հետևյալը. «Երբ Լևոն Տեր-Պետրոսյանը հրաժարական տվեց, դա հասկանալի էր, որովհետև մեր երկրի կարևորագույն քաղաքական խնդիրը Ղարաբաղն էր, իսկ Առաջին նախագահը դա տեսնում էր Ադրբեջանի կազմում` հատուկ կարգավիճակով: Նման դեպքերում, բնականաբար, հրաժարականի խնդիր պիտի լինի, իսկ այսօր նման խնդիրներ չկան»:

Սերժ Սարգսյան, հաստա՞տ ձեր օրոք նման խնդիրներ չեն եղել: 

«Չորրորդ իշխանություն», թիվ 7, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Գալուստ Սահակյան, «Չորրորդ իշխանություն», Լևոն Տեր-Պետրոսյան, Կարեն Կարապետյան, Սերժ Սարգսյան, ոչմիթիզականություն, Ռոբերտ Քոչարյան, Նիկոլ Փաշինյան, «ՉԻ» ՌԻԹՄՈՎ


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Ստոպ-կադր
Ստոպ-կադր
01.03.2021 / 540























Բա սա կյա՞նք է
Բա սա կյա՞նք է
03.03.2021 / 10