25.06.2020   10:15
965

Հյուրանոց՝ Հրապարակի մեջտեղում


«Մենք ունենք իրավիճակ, երբ հսկայական գումարներ շինարարության մեջ ուղղակի կանգնած են»: Այս մասին այսօր Ազգային ժողովում ասաց «Իմ քայլը» խմբակցության պատգամավոր Վաղարշակ Հակոբյանը, երբ քննարկվում էր կառավարության կողմից ներկայացված «Հայաստանի Հանրապետության վարչական դատավարության օրենսգրքում փոփոխություններ և լրացում կատարելու և վարչական վարույթի մասին» նախագիծը:

«Իմ քայլը» խմբակցության պատգամավորներից մեկն այսպես է բացատրել նախագծի տրամաբանությունը. «Բազմաթիվ աշխատատեղեր, ներդրումներ չեն իրականանում, քանի որ ենթադրենք, որ եթե որևէ մեկը կախված անձից ունի վատ հարաբերություններ կառուցապատողի հետ, կամ հարևանների հետ կապված խնդիրները ուղղակի մի բողոքի, գրության հիման վրա միլիոնավոր դոլարների ներդրումների է խոչընդոտվում: Սա լուրջ խնդիր է դարձել մասնավորապես հեղափոխությունից հետո, երբ բավականին շատ կառուցապատող ընկերություններ նոր թափով են սկսել աշխատել»:

«ՉԻ». Այնպիսի տպավորություն է, որ այս նախագիծը կառավարությունը ներկայացրել է հատուկ Ֆիրդուսու թաղամասում շինարարությանը զարկ տալու համար: Հա էլի, ինչ-որ մանր-մունր ակտիվիստներ, մշակութաբաններ ոտքի տակ են ընկնում, աղմուկ բարձրացնում, թույլ չեն տալիս, որ պատմամշակութային արժեք ներկայացնող շինությունները քանդվեն: 

Ու դրա արդյունքում Նարեկ Սարգսյանն ու նրա հովանավորյալները տակ են տալիս: Չեն կարողանում իրենց էլիտար գոմերը կառուցել: 

Չտեսնված տրամաբանություն է: Այսինքն, ցանկացած ոք կարող է հենց այսօր գնալ Հանրապետության հրապարակ ու հենց մեջտեղում ինչ-որ բան կառուցել. ավտոտնակ, շենք, առանձնատուն, հյուրանոց: Նույնիսկ եթե նման շինարարության օրինականությունը բողոքարկվի, մեկ է, նա հանգիստ կարող է շարունակել շինարարությունը, մինչև չլինի դատարանի որոշումը: Եվ մի երկու տարի հետո դատարանը կարող է բավարարել բողոքարկումը և այդ դեպքում միայն հնարավոր կլինի Հրապարակի մեջտեղում կառուցված շինությունը քանդել: Չնայած, ինչո՞ւ քանդել: Մարդը ներդրումներ է արել, շինություն է կառուցել, աշխատատեղեր է բացել: Դա է, չէ՞, տրամաբանությունը: Ինչո՞ւ ներդրողին խրտնացնել: 

Պրոբլեմն այն է, որ հետո մեկ ուրիշը կարող է Հրապարակում շինարարություն սկսել: Եվ այդպես շարունակ: 

Իրականում սա ապօրինի շինարարություն իրականացնելու նախագիծ է: Հիմա ով ինչ ցանկանա, որտեղ ցանկանա, կարող է կառուցել: Մինչև դատարանի որոշում չլինի, այդ շինարարությունը չես կարող կասեցնել: Իբր մեր դատարանները քիչ են ծանրաբեռնված, հիմա բազմաթիվ գործեր են լցվելու: Ու սա նաև վեճերի, հաշիվներ պարզելու, իրար միս ուտելու նոր ճանապարհ է բացում՝ հատկապես հարևան մարդկանց միջև: 



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         քաղաքաշինություն, Վաղարշակ Հակոբյան, Նարեկ Սարգսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին կոշկակարը






























Ստոպ-կադր
Ստոպ-կադր
04.07.2020 / 277







«ՉԻ» ռիթմով
«ՉԻ» ռիթմով
04.07.2020 / 167




В ритме «ЧИ»
В ритме «ЧИ»
04.07.2020 / 77